"Univetsitetlərin regionlara köçürülməsi o qədər də asan deyil" - Təhsil eksperti

Milli Məclisin deputat Vüqar İsgəndərov tıxacın qarşısını almaq üçün universitetlərin Bakıdan kənara köçürülməsini təklif edib.

Mövzu ilə bağlı Sonxeber.az-a danışan təhsil eksperti Elçin Süleymanov bildirib ki, mövcud univetsitetlərin köçürülməsi o qədər də asan deyil.Amma gələcək perspektivdə regionlarda universitetlər gücləndirilə bilər.

"Bu mövzuda müzakirələr çoxdandı aparılır. Hazırda bu istiqamətdə işlər gedir. Qarabağda bir neçə universitetin açılması istiqamətində işlər gedir. Mövcud univetsitetlərin köçürülməsi o qədər də asan deyil. Ona görə bunun baş verəcəyini yaxın vaxtlarda düşünmürəm. Amma gələcək perspektivdə regionlarda universitetlər gücləndirilə bilər. Günümüzün ən məşhur dünya universitetlərinə nəzər salsaq, görərik ki, əvvəlcə universitet, sonra ətrafında şəhər və infrastruktur qurulub. Universitet o regionu inkişaf etdirib. Düşünürəm ki, Qarabağdan başlamaq lazımdı. Bu istiqamətdə ADA universitetinin Qazax filialı proyekti də alqışlanmalıdır" ,- deyə o bildirib.

Telegramda izləyin