Paşinyan Gürcüstanın müdafiə naziri ilə görüşüb

Nikol Paşinyan Ermənistanda rəsmi səfərdə olan Gürcüstanın müdafiə naziri Xuanşer Burçuladze ilə görüşüb.

Sonxeber.az xəbər verir ki, bu barədə erməni mətbuatı məlumat verib.

Paşinyan deyib ki, Gürcüstanla əlaqələr dinamik şəkildə inkişaf etməkdə davam edir və əməkdaşlığın genişlənməsi müxtəlif istiqamətlərdə aparılır ki, bu da Ermənistan hökuməti üçün böyük əhəmiyyət kəsb edir və prioritetdir.

Xuanşer Burçuladze səmimi qəbula görə təşəkkür edib və Ermənistan Müdafiə Nazirliyi ilə tərəfdaşlıqdan danışıb. Gürcüstanın müdafiə naziri Ermənistanda müdafiə sektorunda aparılan islahatlardan heyran qaldığını bildirib.

Təhlükəsizlik və müdafiə, o cümlədən regional sülh və sabitlik sahəsində əməkdaşlıq və təcrübə mübadiləsi ilə bağlı məsələlər də müzakirə olunub.

Telegramda izləyin