Ermənistan Ukraynaya raket göndərəcəyi ilə bağlı xəbəri təkzib edib

Ermənistan Müdafiə Nazirliyi mətbuatda Ermənistanın Ukraynaya raket göndərəcyi ilə ilə bağlı yayılan xəbərləri təkzib edib.

Sonxeber.az xəbər verir ki, Ermənistan Müdafiə Nazirliyinin sözçüsü Aram Torosyan erməni mətbuatına verdiyi yazılı şərhdə xəbərləri təkzib edib.

"Azərbaycan da daxil olmaqla, bir sıra xarici xəbər mediası son vaxtlar Ermənistanın Ukraynaya raketlər göndərəcəyi ilə bağlı xəbərlər hazırlayır. Bu xəbəri Ermənistanın bəzi xəbər agentlikləri də dərc edib. Bunu necə şərh edərdiniz?" sualına Aram Torosyan belə cavab verib:

"Müdafiə Nazirliyinin müvafiq bölməsi bu sektorla bağlı mətbuatda gedən xəbərləri izləyir, zərurət və məqsədəuyğun olaraq şərh və ya reaksiya verir. Verilən bu məlumat həqiqətə uyğun deyil və biz erməni KİV-lərini xarici təbliğat mənbələrinin yaratdığı saxta xəbərləri yaymamağa çağırırıq".

Telegramda izləyin

instagramda izləyin