Almaniya Ermənistana 84,6 milyon avro yardım edəcək

Almaniya Ermənistana qrant və kredit şəklində 84,6 milyon avro yardım edəcək.

Sonxeber.az xəbər verir ki, bu yardımı Almaniyanın İqtisadi Əməkdaşlıq və İnkişaf üzrə Federal Nazirliyinin parlament dövlət katibi Niels Annen açıqlayıb.

Annen Ermənistan-Almaniya hökumətlərarası iclasının ilk iclasında iştirak etmək üçün İrəvana səfər edib.

Ermənistanın iqtisadiyyat naziri Vahan Kerobyan bildirib ki, yardım texniki peşə təhsili və bərpa olunan enerji sahəsində yeni layihələrə yönəldiləcək.

Kerobyan bildirib ki, son üç ildə Ermənistanla Almaniya arasında ticarət dövriyyəsi üç dəfə artıb.

Noyabrın 22-də keçirilən danışıqlar Ermənistan və Almaniya arasında 2014-cü ildən bəri ilk hökumətlərarası danışıqlar olub.

"Hesab edirəm ki, bu, Almaniya və Ermənistanın əməkdaşlığa yeni yol açdığına dair bütün dünyaya çox aydın mesajdır. Ermənistan bir daha sübut edir ki, o, demokratiyaya, demokratik cəmiyyətə sadiqdir", - deyə Annen əlavə edib.

Bərpa olunan enerji sektoruna investisiyalar qoyulacaq ki, bu da Ermənistana elektrik enerjisinin qiymətini aşağı salmağa imkan verəcək.

"Biz əməkdaşlıq danışıqlarımızda vurğulanan Ermənistanın enerji müstəqilliyinin gücləndirilməsinə diqqət yetirəcəyik", - deyə Almaniya rəsmisi bildirib.

Telegramda izləyin