"Yaxın vaxtlarda Azərbaycan-Ermənistan danışıqlar prosesində tendensiya öz əksini tapacaq" - Politoloq

İstiqamət: Müzəffər Ali Baş Komandanın rəhbərliyi ilə 44 günlük "Vətən Müharibəsi"ndə qazanılmış tarixi qələbə, Ermənistan tərəfindən törədilmiş sülh və insanlıq əleyhinə cinayətlər, habelə müharibə cinayətləri ilə bağlı həqiqətlərin dünya ictimaiyyətinə çatdırılması

Bir müddətdir ki, Azərbaycan-Ermənistan danışıqlar prosesində durğunluq müşahidə olunurdu. Azərbaycan Xarici İşlər Nazirliyi Ermənistana danışıqları davam etdirməyi təklif edib. Ermənistan isə danışqlara hazır olduğunu qeyd edib.

Politoloq Qabil Hüseynli Sonxeber.az-a bildirib ki, tərəflər hər ikisi sülhə can atır.10-15 günə proseslərdə tendensiya öz əksini tapacaq

"Bundan sonra proseslər normal gedəcək. Tərəflər hər ikisi sülhə can atır. Zənnimcə, sülh müqaviləsinin əsas prinsipləri razılaşdırılıb. Yaxın vaxtlarda , 10-15 günə proseslərdə tendensiya öz əksini tapacaq. Ermənistan yalnız ermənilərin Qarabağa qayıtması şərtini irəli sürə bilər. Azərbaycan isə qərbi azərbaycanlıların geri qayıtmasını tələb edir. Ermənilər və qərbi azərbaycanlıların geri qayıtması mürəkkəb bir prosesdir".

Politoloq Beynəlxalq Ədalət Məhkəməsinin Qarabağ ermənilərinin qeyd-şərtsiz geri qaytarılması qərarına da münasibət bildirib. O qeyd edib ki, məskunlaşmanın qaydası vətəndaşlığı qəbul etməkdir.

"Azərbaycan Beynəlxalq Ədalət Məhkəməsinin qərarlarını qəbul etmir. Reinteqrasiya prosesi bizim istədiyimiz kimi getməlidir. Vətəndaşlığımızı qəbul etməyən, ordumuzda xidmət etməyən, məhkəmə və hüquq mühafizə orqanlarımızı tanımayan ermənilərin burada nə işi var? Dünyada məskunlaşmanın qayda-qanunları var və ona riayət etməlidirlər" ,- deyə o bildirib.
Material Azərbaycan Respublikasının

Şəbnəm Lətifi

Telegramda izləyin