Paşinyan və Blinken arasında telefon danışığı olub

Ermənistanın Baş naziri Nikol Paşinyan ABŞ dövlət katibi Antoni Blinkenlə telefonla danışıb.

Sonxeber.az xəbər verir ki, bu barədə ABŞ Dövlət Departamenti məlumat yayıb.

Bəyanatda deyilir ki, dövlət katibi Blinken ABŞ-ın Ermənistanın suverenliyi və ərazi bütövlüyünü dəstəklədiyini bir daha təsdiqləyib.

"Dövlət katibi Antoni Blinken bu gün Ermənistanın Baş naziri Nikol Paşinyanla danışıb. Onlar ABŞ-nin Ermənistan və Azərbaycan arasında davamlı sülh sazişinin əldə edilməsi səylərinə dəstəyini müzakirə ediblər. Dövlət katibi ABŞ-nin Ermənistanın suverenliyi və ərazi bütövlüyünə davamlı dəstəyini bir daha təsdiqləyib və onun firavan və demokratik gələcəyə baxışını dəstəkləməyə çalışarkən Ermənistanla ikitərəfli əməkdaşlığı artırmaq səylərini qeyd edib", - deyə ABŞ Dövlət Departamenti bildirib.

Qeyd edək, Blinken Azərbaycan Prezidenti İlham Əliyevlə də telefonla danışıb.

Şəbnəm Lətifi

Telegramda izləyin