"Azərbaycanda növbədən kənar prezident seçkilərinin keçirilməsi zərurətdən yarnmış bir addımdır" - Elçin Quliyev

"Azərbaycanda növbədənkənar prezident seçkilərinin keçirilməsi zərurətdən yaranmış bir addımdır".

Bunu Sonxeber.az-a danışan politoloq Elçin Quliyev bildirib.

Elçin Quliyev qeyd edib ki, Azərbaycan Rrespublikasının Prezidenti, Ali Baş Komandan cənab İlham Əliyevin güclü iradəsi, qətiyyəti və ordumuzun sücaəti nəticəsində torpaqlarımız işğaldan azad edilib:

"Konstutiyamız ölkəmizin bütün ərazilərində bərqərar olub. Bütün bu baş verənlərdən sonra cənab prezident bütün ölkə boyu hakimiyyətini tam bərqərar etməlidir. Torpaqlarımızın 30 illik işğalına son qoyan və ölkəmizin ərazi bütövlüyünü təmin edən şəxsi hər bir azərbaycanlı dəstəkləyir. Buna heç bir şübhə yoxdur, cənab prezident İlham Əliyev xalqın tam dəstəyini alan ölkə başçısıdır. Sosial vəziyyətindən, peşəsindən, yaşından, dilindən və dinindən asılı olmayaraq, növbədənkənar prezident seçkilərinin keçiriləcəyi xəbərini eşidən hər kəs bunu ən düzgün addım kimi qimətləndirdi.
Bütün ölkə boyu seçkilərin keçirilməsi isə ilk dəfə olacağı üçün bu məsələ, sadəcə, qeyd etdiyimiz kimi tək siyasi və hüquqi deyil, həm də mənəvi baxımdan xüsusi tarixi əhəmiyyətli bir hadisədir".

Elçin Quliyev vurğulayıb ki, həlli çətin olan keçmiş Qarabağ problemi kimi dalana dirənmiş bir münaqişəni həll etmək, bu proseslərdə bütün təyziqlərə tab gətirmək, xarici medianın təxribatçı suallarına yorulmadan cavab vermək hər liderin işi deyil. Bunu yalnız bizim prezidentimiz cənab İlham Əliyev bacardı. Bütün bunlardan sonra ölkəmizdə keçiriləcək növbədənkənar prezident seçkilərinə zərurət yaranmışdır. Onu da xüsusilə qeyd etmək istəyirəm ki, xarici qüvvələrin pozucu niyyətlərinə baxmayaraq, cənab prezident İlham Əliyev Qafqazda sülhün bərqərar olunması üçün bütün lazım olan addımları atıb. Hesab edirəm ki, tezliklə regionda sülh və əminamanlıq tam bərpa olacaqdır".

Telegramda izləyin