"Müstəqil Azərbaycan tarixində ilk dəfə olaraq bütün ölkə ərazisində seçkilər keçiriləcək" - Cavanşir Paşazadə

"Fevralın 7-də keçiriləcək növbədənkənar prezident seçkilərini həm də Zəfər seçkiləri adlandırmaq olar.".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, 2024-cü ilin fevralın 7-də Müstəqil Azərbaycan tarixində ilk dəfə olaraq bütün ölkə ərazisində seçkilər keçiriləcək:

"44 günlük Vətən Müharibəsi və 2023-cü ilin antiterror tədbirləri nəticəsində ərazi bütövlüyümüzün və suverenliyimizin bərpa olundu. Ən önəmlisi isə regionda və ölkəmizdə yeni reallıqlar yarandı. Bu baxımdan düşünürəm ki, növbədənkənar seçkilər ərazi bütövlüyümüzün və suverenliyimizin təsbitidir.

Cənab prezident İlham Əliyev ilk dəfə ölkə başçısı seçilən zaman xalqımıza bütün Azərbaycan torpaqlarında üçrəngli barağımızın dalğalanacağı sözünü vermişdi. Belə də oldu. Müzəffər Ali Baş Komandan İlham Əliyev xalqa verdiyi sözü tam əməl etdi. Azərbaycanın ərazi bütövlüyünü və suverenliyini bərpa etdi. Bu gün Xankəndində, Şuşada, Xocalıda, Laçında, Kəlbəcərdə, Cəbrayılda, Zəngilanda, Füzulidə və digər rayonlarda üçrəngli bayrağımız dalğalanır".

Deputat vurğulayıb ki, növbədənkənar seçkilərin keçirilməsi dünyada qəbul olunmuş siyasi təcrübədir:

"Növbədənkənar keçiriləcək seçkilərdə vətəndaşlarımız siyasi iradələrini ifadə edəcəklər. Bu gün xalqımız cənab prezident İlham Əliyevə inanır və onun ətrafında yumruq kimi sıx birləşib. Bu gün hər bir vətəndaşımız əmindir ki, Ali Baş Komandan İlham Əliyevlə ölkəmiz bir çox uğurlara və zəfərlərə imza atacaq.

Bilirsiniz ki, 44 günlük Vətən Müharibəsi zamanı və ondan sonrakı dövrdə dövlətimizə qarşı təzyiqlər, aparılan qarayaxma kampaniyalar artdı. Bütün bu təziqlərin qarşısında möhkəm dayanmaq üçün siyasi sistemin gücləndirilməsi mütləqdir. Buna da ancaq biz cənab prezident İlham Əliyevlə nail ola bilərik".

Telegramda izləyin