Qarabağda yaşayan ermənilər səsvermədə iştirak edə biləcəklərmi? - Deputatdan AÇIQLAMA

Xəbər verdiyimiz kimi Azərbaycanda 2024-cü il fevralın 7-də növbədənkənar prezident seçkiləri keçiriləcək. Bu barədə dekabrın 7-də Prezident İlham Əliyev sərəncam imzalayıb. 2024-cü ilin fevralın 7-də Müstəqil Azərbaycan tarixində ilk dəfə olaraq bütün ölkə ərazisində seçkilər keçiriləcək. Bu gün hər kəsi maraqlandıran suallardan biri də Qarabağda yaşayan ermənilərin də səsvermədə iştirak edib etməməyidir.

Bununla bağlı Sonxeber.az-a danışan deputat Nəsib Məhəməliyev bildirib.

Deputat qeyd edib ki, 2024- cü ilin fevral ayının 7-də keçiriləcək növbədənkənar prezident seçkilərini, müstəqillik dönəminin digər seçkilərdən fərqləndirən əsas cəhətlərdən biri də, ilk dəfə ölkə ərazisini tam şəkildə əhatə etməsidir:

"Təbii ki, növbəti 7 il ərzində ölkənin gələcək inkişafını, təhlükəsizliyini, xalqın rifahını müəyyənləşdirən siyasi tədbirdə, milli, etnik, dini, irqi mənsubiyyətindən asılı olmayaraq, Azərbaycan dövlət atributlarını qəbul edən hər bir vətəndaş seçkilərdə iştirak edə biləcək. O cümlədən ermənilər. Azərbaycan multikultural, tolerant ölkədir, əgər vətəndaşlığı qəbul etmisənsə, hüquq və vəzifələrin Konstitusiyaya uyğun olaraq müəyyənləşdirilir".

Telegramda izləyin