"COP29 beynəlxalq konfransın Azərbaycanda keçirilməsi dövlətimizin növbəti uğurudur" - Emil Əkbərov

"Azərbaycanın növbəti dəfə böyük tədbirə ev sahibliyi etməsi onun beynəlxalq arenada söz sahibi olmasından irəli gəlir".

Bunu Sonxeber.az-a danışan "BİG Medai" MMC-nin direktoru Emil Əkbərov bildirib.

Emil Əkbərov qeyd edib ki, bir neçə gün əvvəl COP29 beynəlxalq konfransın Azərbaycanda keçirilməsi ilə bağlı qəbul olunan qərar ölkəmizə göstərilən növbəti böyük etimaddır:

"Davamlı olaraq Azərbaycan nüfuzlu beynəlxalq tədbirlərə ev sahibliyi edir. Cənab prezident İlham Əliyevin ölkə başçısı seçildiyi vaxtdan bu günə qədər yürütdüyü uğurlu xarici siyasət sayəsində ölkəmiz dünyada güclü mövqelərə sahibdir. COP29 konfransının ölkəmizdə keçirilməsi beynəlxalq aləmin hər bir üzvünün yekdil razılığı ilə mümkün oldu. COP29 ölkəmizdə keçirilən ən böyük beynəlxalq tədbir olacaq. Avropa Oyunları zamanı Azərbaycana 8 min yaxın qonaq gəlmişdisə,COP29-da 10 minlərlə xarici nümayəndənin ölkəmizə gəlməsi gözlənilir. İki həftə ərzində bütün dünanın gözü Bakıda olacaq. COP29 konfransında iştirak etmək üçün 70-80 min xarici qonaq ölkəmizə səfər edəcək".

Emil Əkbərov bildirib ki, COP29 dünyada ən mühüm və mötəbər beynəlxalq tədbirlərdən biridir:

"Bizim bu cür mühüm tədbirə ev sahibliyi etməyimiz qürurvericidir. Tədbirlə bağlı bütün hazırlıq işlərinə başlanılmalıdır. Düşünürəm ki, COP29 beynəlxalq konfransın Azərbaycanda keçirilməsi dövlətimizin növbəti uğurudur".

Telegramda izləyin