"Xankəndidə biz yalnız futbolçu matçı izləmədik, həm də prezident-xalq birliyini gördük" - POLİTOLOQ

"Ötən gün Xankəndi futbol stadionunda baş verən futbol matçı həqiqətən tarixi bir əhəmiyyət kəsb edir. Hər nə qədər idman siyasətdən uzaq olsa da illərdir bu stadionda separatçı rejimin tədbirləri keçirilirdi. "Futbol" matçları təşkil olunurdu. Keçirilən futbol matçı qələbəmizin sivil formada elanı idi. Yəni Azərbaycan xalqı Qarabağ uğrunda döyüşən qazilərimiz və şəhidlərimizin övladları bu matçı seyr etdilər. Həqiqətən çox pozitiv görüntülər var idi. Xüsusilə cənab Prezidentin ətrafında şəhid və qazı övladlarının olması, onların birbaşa bu oyuna dəvət olunması simvolik və mənəvi əhəmiyyət kəsb edirdi. Azərbaycan hər nə qədər bu əraziləri hərbi yolla qaytarmış olsa da, verilən mesajlar həm işğal dövründə, həm də bu gündə sivil formada verilir. Bu bizim sülh istəyində olduğumuzu göstərir. Bu torpaqlarda bərabər şəkildə əvvəldən yaşamaq olardı. Sadəcə qarşı tərəf bunu istəmədi və belə siyasi proseslər baş verdi".

Bu sözləri Sonxeber.az-a açıqlamasında Turan Rzayev deyib. Onun sözlərinə görə, həm tədbir öncəsi və cənab Prezidentin çıxışı, həm də futbol matçı zəfərimizin rəmzi mənasından Qarabağın həyata gəlməyini göstərir:

"Xankəndiyə diqqət yetirdikdə görürük ki, ciddi quruculuq işləri görülüb. Xankəndi stadionunun özü yenidən bərpa edilmişdir. Bu belə bərpa prosesinin bir tərkib hissəsidir. Bu eyni zamanda Xankəndiyə böyük qayıdışa olan ümidləri artırır. Xankəndidə biz yalnız futbolçu matçı izləmədik. Həm də prezident xalq birliyini gördük. Cənab Prezidentin dediyi kimi Qarabağı işğal altında olan və işğaldan azad edilən şəhərin komandası ilə o şəhəri işğaldan azad edən ordunun komandası arasında baş verən futbol matçının şahidi olduq. Bu da əslində incə düşünülmüş bir mesaj idi. Qarşıdan gələn prezident seçkiləri öncəsi də bu çox mühüm verilən bir mesajdır. Qalıb xalqın qalıb prezidenti bir daha xalqın arasında idi. 44 günlük müharibədə də biz bənzər situasiyalar yaşamışdıq. Ötən günkü matçda isə sadəcə bunu biz müharibənin bitməsi və ərazilərin öz sahibinə qayıtması fonunda real şahidi olduq".

Sevda Səfərova

Telegramda izləyin