"Bu aydan sonra bəzi sürücülər kənarda qalacaq, bu da öz növbəsində taksi qiymətlərinə təsir göstərə bilər" - Ekspert

"Taksi fəaliyyəti ilə bağlı qatda-qanun yaradılmasınına ehtiyac var. Yanvarın 1-dən bu qanunlar qüvəyə minir. Taksi sürücüləri artıq bir çox qadağalara əməl etməlidir. Onlar oxumalı və sertifikat almalıdırlar. Artıq bundan sonra taksi buraxılış vərəqəsi alması tələb olunur. Onlar aylıq fərqlənmə nişanı alaraq taksi sürücüsü kimi fəaliyyət göstərə bilərlər".

Bu sözləri Sonxeber.az-a açıqlamasında nəqliyyat üzrə ekspert Elməddin Muradlı deyib.

O bildirib ki, taksi sürücülərinin təkminləşdirilməsi ilə bağlı məsələyə artıq çox ciddi şəkildə nəzarət edilir:

"Sözsüz ki, taksi sürücüsü taksi buraxılış vərəqəsini alarkən mütləq şəkildə taksi sürücülərindən sağlamlıq sənədi də tələb olunacaq. Sağlamlıq tələblərini əməl etmədikləri halda, onlara buraxılış vərəqi verilməyəcək. Əks halda onların fəaliyyətinə imkan verilməyəcək. Nəzərə almaq lazımdır ki, taksi sürücülərinin təkminləşdirilməsi ilə bağlı məsələyə artıq çox ciddi şəkildə nəzarət edilir. Çünki bu sahədən çoxlu şikayətlər olub. Hazırda hansısa neqativ hallar varsa, bunların aradan qaldırılması mütləqdir. Taksi sürücüləri elə bir xidmət sahədə çalışırlar ki. neqativ hallara yol verməməlidirlər. Bu proseslərdən sonra bəzi sürücülər kənarda qalacaq. Bu da öz növbəsində taksi qiymətlərinə təsir göstərə bilər. Amma bu ciddi bir qiymət artımına səbəbə ola bilməz. Bəzi şirkətlər öz problemlərini həll etmək üçün qiymət artımına gedə bilər. Bu o şirkətlərin daxili işidir. Əlbəttə hansı şirkət daha ucuz və keyfiyyətli xidmət göstərəcək, vətəndaş da onu seçəcək.

Bu gün qiymətlər reallığı əks etdirmir. Taksi sürücüləri haqlıdır. Onlar ucuz qiymətə daha ağır rejimdə çalışmağa məcburdular. Hazırda taksilərdə 2 manat 50 qəpik minimal qiymətdir. Ondan aşağı daşıma mümkün deyil. Daha yaxşı fəaliyyət göstərib, qiymətə əlavələr edə bilərlər. Amma qiymət artırmamalıdırlar".

Gülcahan Məmmədova

Telegramda izləyin