"ASALA, VoMa kimi Ermənistanın terror təşkilatlarının Azərbaycana qarşı törədəcəyi təxribatlar CAVABSIZ QALMAYACAQ" -ŞƏRH

Xəbər verdiyimiz kimi, Ermənistanda "proksi qüvvələrin" – ASALA və digər terror təşkilatların Azərbaycana qarşı müharibəyə cəlb edilməsi təklifləri irəli sürülüb.

Məsələ ilə bağlı politoloq Tural İsmayılov Sonxeber.az-a açıqlama verib.
O bildirib ki, "ASALA" terror təşkilatı həmişə Ermənistanın dövlət ideologiyasının əsasını təşkil edib:

"Bu gün Ermənistan guya sülhlə bağlı mövqe nümayiş etdirir. Amma reallıq ondan ibarətdir ki, Ermənistanda hələ terror təşkilatları mövcuddur. Məsələn terror təşkilatı olan "VoMa" hələ də Ermənistan hakimiyyəti tərəfindən dəstəklənir vəmüxtəlif təlimlər keçirir. Əbəttə ki, VoMa təşkilatınında "ASALA" ilə güclü əlaqələri mövcuddur. Bugün erməni diasporu altında xaricdə lobbi təşkilatlarına Ermənistan hakimiyyəti tərəfindən kömək göstərilir. "ASALA" terror təşkilatı həmişə Ermənistanın dövlət ideologiyasının əsasını təşkil edib.

Uzun illər "Böyük Ermənistan" xülyası ilə insanları manipulyasiya edib. Müxtəlif cəhdlər etməyə çalışıblar. Ermənistan terroru qərbin özünə də böyük ziyan vurub. Uzun illər "ASALA" türk diplomatlarına qarşı qərb paytaxtlarında sui-qəsdlər həyata keçirib . Bu isə qərbin təhlükəsizlik sisteminin nə qədər zəif olduğunu növbəti dəfə nümayiş etdirir. Ermənistanın terror təşkilatlarının altında gizlənməsi bilinən reallıqdır. Bu gün Azərbaycan Hüquq Mühafizə Orqanları yüksək peşakarlığa malikdir. "ASALA" "VoMa" kimi Ermənistanın terror təşkilatları Azərbaycana qarşı törədəcək heçbir təxribatlar cavabsız qalmayacaq".

Gülcahan Məmmədova

Telegramda izləyin