SON DƏQİQƏ! Şiddətli döyüşlər: Ukrayna 100 hərbçisini itiirdi

Luqansk separatçılarının məlumatına görə, Debalsevo istiqamətində gedən döyüşlərdə Ukrayna 50 hərbçisini itirib, 50-dən çox hərbçi yaralanıb.
"Bizdə Ukrayna ordusunun 40 hərbçisinin həlak olduğu, 50 nəfərin yaralandığı barədə dəqiq məlumat var. Müstəqil Ukrayna KİV-i 100 nəfərin həlak olduğunu bildirir", - deyə "LXR"in "xalq milisi"nin nümayəndəsi Andrey Maroçko bildirib.
Onun sözlərinə görə, Ukrayna Müdafiə Nazirliyi 6 hərbçinin həlak olduğunu, 19-nun yaralandığını açıqlayıb.
***
Ukrayna ordusu eyni zamanda bir neçə istiqamətdən "Luqansk Xalq Respublikası" ("LXR") separatçı qurumun "qoşun"unun mövqelərinə hücum edib.
Publika.az "RİA-Novosti" agentliyinə istinadən xəbər verir ki, bu haqda "LXR"in "xalq milisi"nin mətbuat xidmətindən bildirilib.
Məlumata görə, Ukrayna ordusu qumbaraatanlar, minaatanlar və ağır atıcı silahlardan atəş açır. "Saat 11:00-a olan məlumata görə, vəziyyət gərgin olaraq qalır. Rəqibin Debaltsevoa istiqamətdən hücum cəhdləri dayanmır", - xəbərdə deyilir.
Qeyd edək ki, Ukraynanın şərqində vəziyyət iki gün əvvəl gərginləşib. Separatçı tərəfinin məlumatına görə, dekabrın 19-da gedən döyüşlərdə Ukrayna tərəfindən 10 hərbçi ölüb, 20-si yaralanıb.
Ukrayna tərəfi isə Svetlodarskda gedən döyüşlərdən sonra yeni strateji mövqeləri tutduğunu açıqlayıb. Anti-terror əməliyyatları qərargahından bildirilib ki, Ukrayna hərbçiləri rəqibin hücum cəhdinin qarşısını alaraq əks-hücuma keçiblər. Separatçıların hərbi əmlak və Rusiya istehsalı olan texnikanı döyüş meydanında qoyaraq qaçdığı deyilir. Svetlodarskda döyüşçülərdə Ukraynanın 5 hərbçisi həlak olub, 6-sı yaralanıb.(publika)

Telegramda izləyin