Valideynlərin DİQQƏTİNƏ! Xarici cizgi filmlər uşaqlarımızı MƏHV EDİR - AÇIQLAMA

Son zamanlar şiddət və qorxu məzmunu əks etdirən cizgi filmlərinin sayının artması uşaqlara son dərəcə mənfi təsir göstərir.Texnologiyanın inkişafı ilə bu gün uşaqlar məktəbəqədər yaşlarında ətrafdan gələn bir çox təsirlərə məruz qalır. Bununla yanaşı, baxdıqları cizgi filmlərindəki personajları təqlid edir, onları nümunə götürürlər. Bunlardan biri də sosial şəbəkələrdə xüsusən uşaqlar arasında məşhur olan "Skibidi" çoxserialı cizgi filmidir. Mütəxəssislər ekran işində zorakılıq faktlarının çox olduğunu deyirlər. Azərbaycanda da "Skibidi" izləyənlərin sayı az deyil.

Bəs Azərbaycanda bu kimi cizgi filmlərin izlənilməsi, yayımlanması qadağan oluna bilər? Məsələ ilə bağlı psiixoloq Fərqanə Mehmanqızı Sonxeber.az-a açıqlama verib:

"Cizgi film qəhrəmanlarının uşağın tərbiyəsində, şəxsiyyətinin formalaşmasında çox təsiri var. "Skibidi", "Maşa və Ayı" kimi cizgi filmləri uşaqlara ciddi təsir edir. Elə cizgi filmlər var ki, uşaqların ona baxmaq yaşına məhdudiyyət qoyulmalıdır. Bir məsələni nəzərə çatdırmalıyıq ki, uşaqlar cizgi filmə baxan zaman valideynlər özləri də uşaqla birlikdə baxmalıdırlar. Onlar cizgi filmə baxarkən mənfi və müsbət obrazları, o cümlədən bu ona nə verir, eyni zamanda öyrədici olmasını aydınlaşdırmalıdır. Elə cizgi filmlər var ki, uşaqlara çox gözəl təsir bağışlayır. Həmin çoxserialı cizgi filmlər uşaqlara yemək yemə qaydası, nizamlı olmağı və dostlar ilə olan münasibəti öyrədir. Elə cizgi filmlər olsa çox yaxşı olardı. Azərbaycanda uşaqlar üçün cizgi filmlər inkişaf etməlidir. Ancaq bu halda xarici cizgi filmlərə ehtiyac qalmaz və ailə dəyərləri, ailə institutu formalaşa bilər".

Sevda Səfərova

Telegramda izləyin