Avtoyuma məntəqəsindən maşını qaçırıb qəza TÖRƏDİRLƏR - Məsuliyyət kimin üzərindədir? - VİDEO

Son vaxtlar avtoyuma məntəqələrindən avtomobillərin qaçırılması hallarına yenidən rat gəlinir. Bu vaxt qəzalarda qaçılmaz olur. Bununla bağlı sosial şəbəkələrdə belə paylaşımlar edilib. Vətəndaşlardan bir nəfər onun icazəsi olmadan avtoyuma məntəqəsindən nəqliyyat vasitəsinin kənar əraziyə aparıldığını iddia edib. O bildirib ki, avtomobilini yumaq üçün verdiyi şəxs nəqliyyat vasitəsini qaçırıb. Həmin şəxs onu da iddia edir ki, avtomobili Biləcəri ərazisində təkərləri və diski sökülmüş vəziyyətdə tapılıb.

Sonxeber.az xəbər verir ki, məsələ lə bağlı sürücülər belə hallar baş verdiyinə görə, sürücülər "Xəzər Xəbər"ə avtoyuma məntəqələrinə etibar etmədiklərini bildirib.

Yol-nəqliyyat hadisəsi üzrə ekspert Ərşad Hüseynov deyir ki, avtoyuma məntəqəsindən qaçırılan maşınla törədilən qəzaya görə avtomobilin sahibi heç bir məsuliyyət daşımır. Amma burada bəzi istisna hallar da var:

"Əgər avtomobil yuma məntəqəsində çalışan şəxsin sürücülük hüququ varsa, vətəndaş maşını ona versə yenə də məsuliyyət yoxdur. Məsuliyyət o halda yarana bilər ki, avtoyuma məntəqəsində nəqliyyat vasitəsini verən adam özü icazə verirsə yaxud verdiyi şəxsin sürücülük hüququ yoxdursa, içkili vəziyyətdədirsə o zaman məsuliyyət yarana bilər. Hadisənin nəticələrinə görə yox sadəcə avtomobilini sürücülük hüququ olmayan yaxud sərxoş vəziyyətdə olan şəxsə verdiyinə görə məsuliyyət daşıya bilər".

Telegramda izləyin