Satışda qiyməti 120 manat olan uşaq qidaları var! Qiymətlər niyə BAHALAŞIB - VİDEO

Körpə yeməklərinin qiyməti yenidın artıb. Əczaçı və satıcıların sözlərinə görə, uşaq qidalarının qiyməti 5-12 manat arasında bahalaşıb. Artıq Niderland istehsalı qidalar müşahidə olunur. Bəs uşaq yeməkləri niyə bu qədər bahalaşıb.

Sonxeber.az xəbər verir ki, "ATV Xəbər" məsələ ilə bağlı araşdırma edib. Əczaçılar qiymət artımının ən çox tərkibində keçi südüolan qidalarda müşahidə etdiyini deyirlər.Bildirildi ki, 0-6 aylıq körpələr üçün 800 qramlıq Avropa istehsalı süni uşaq qidasının qiyməti 80-98 manatdan 120 manata qədər yüksəlib.

İqtisadçılar süni uşaq qidalarının qiymətinin bahalaşmasını xarici ölkələrdən idxal edilmələri ilə əlaqələndirirlər:

"Həmin qidaların tərkib hissəsi olan süd və süd məhsullarının qiymətinin artımı ilə əlaqədardır. Bu artım 15-20 faiz təşkil edir. Bu baxımdan ölkəmizə idxal olunan uşaq qidalarının 95 faizi əsasən Avropa ölkələrindən idxal olunur. Sözsüz ki,bu da ölkədə həmin qidaların qiymətinin artımına öz mənfi təsirini göstərir".
Ətraflı "ATV Xəbər"in süjetində:

Telegramda izləyin