Bu binanın sakinləri əziyyət çəkir! Qısa qapanma, partlayış, alovlanma! - "Azərişıq" hara baxır? - ŞİKAYƏT

Bakı şəhəri, Yasamal rayonu, Mirəli Seyidov küçəsi, 19A binasının sakinləri tərəfindən müraciət daxil olub.

Sonxeber.az xəbər verir ki, 17 mərtəbəli çoxmənzilli yaşayış binasının sakinləri 2 aydan artıqdır ki elektrik təchizatında baş verən davamlı problemlərdən əziyyət çəkir.

"Soyuq qış aylarında mənzillərimizdə soyuğa məhkum və qaranlığa qərq oluruq. Belə ki, binamıza gələn Azərişığın yeraltı elektrik naqillərində müntəzəm olaraq qapanma, alovlanma, partlayışlar baş verir. Nəticədə, 17 mərtəbəli binanın 90-a yaxın ailəsi, 300-ə yaxın sakin uşaqlı, yaşlı günlərlə işıqsız qalır, liftlər çalışmır, su təchizatı, elektrikə bağlı olduğu üçün, dayanır, yaşlı, xəstə ailə üzvlərimiz günlərlə evlərinə qalxıb düşə bilmir ya da mənzillərində mahsur (qapalı) qalırlar. Mənzillərimizdə elektrikə yarı bağlı kombi sistemi çalışmır, ən kəskin şaxtalı qış günlərində istilikdən məhrum evlərimizdə soyuqdan carəsiz vəziyyətdə qalmışıq. Həmçinin, elektrik enerjisi təchizatında tez-tez baş verən kəsilmələr nəticəsində dəfələrlə bina sakinləri liftlərdə mərtəbələr arasında bir neçə saat təhlükəli və qapalı vəziyyətdə köməksiz qalıblar. Bütün ödəmələri vaxtında aparan nizamlı, binamızın qanunsevər sakinləri elektrik təchizatının tez-tez kəsildiyi belə bir şəraitsiz vəziyyətdə rahat yaşamaq hüququndan məhrumdular.

Sakinlər bildirib ki, ötən ilin sonu, 2023-cü il dekabr ayında bina sakinlərinin topladığı vəsait hesabına partlayış baş vermiş, yanmış yeraltı naqillər Azərişıq əməkdaşları tərəfindən sakinlərin vəsaiti hesabına dəyişdirilib:

"Bir ay yarım keçməmiş sakinlər eyni problemlə üzləşdilər – yenidən qapanma, partlayış, alovlanma və nəticədə yeraltı naqillər təmir və dəyişdirmədən sonra son 2 ayda 2-ci dəfə sıradan çıxdı, bu soyuq aylarda yenidən soyuq, susuz mənzillərimizdə qaranlığa qərq olduq. Buradan Azərişıq ASC-yə müraciət edib, elektrik naqillərinin belə tezliklə sıradan çıxması səbəblərini tez bir zamanda araşdırmalarını və binamıza gələn yararsız vəziyyətə düşmüş yeraltı elektrik naqillərinin qısa müddətdə dəyişdirmələrini və elektrik təchizatının fasiləsiz bərpasını xahiş edirik".

Telegramda izləyin