DİQQƏT! Məktəblilərin diqqətini çəkən bu yazılar narkotik satışı üçündür!

Divarlarda bu yazıları gördükdə ağla ilk olaraq ya musiqi, ya da oyun saytı olduğu gəlir. Lakin sayta giriş etdikdə bunun heç də belə olmadığını görürük. Çünki sözügedən sayt teleqram botuna bağlı olan narkoşəbəkənin saytıdır. Əfsuslar olsun ki, bu saytın adı məktəblilərə yaxın ərazilərdə rast gəlinir.

Sonxeber.az xəbər verir ki, məsələ ilə bağlı "APA Tv" ətraflı araşdırma aparıb. Jurnalist Ömər Xəyyam bina və məktəb divarlarında, fasadlarda bu cür saytların və narkomaniyanı təbliğ edən şüarların paytaxtın demək olar ki, hər yerində olması barədə öz "Facebook" hesabında paylaşım edib. O, bildirib ki, narkoşəbəkə divarlara şüarlar yazanlara ya havayı narkotik verir, ya da maaş.

Sakinlərin bəzilər bu yazılara bir anlam verə bilməsə də, məktəblilərin bəziləri bu yazılardan xəbərdardır.

Narkoekspert Emil Maqalov məsələ ilə bağlı, müvafiq qurumlar tərəfindən lazımi tədbirlərin görülmədiyindən şikayətlənir.

"Aidiyyəti qurumlar demək olar ki, bu işlə məşğul deyil. Olsalar belə, görülən işlər effektiv deyil".

Ətraflı "APA Tv"nin süjetində:

Telegramda izləyin