"TikTok"da məşhurlaşanlar heç bir faydası olmayan insanlardır! - AÇIQLAMA

Xəbər verdiyimiz kimi, Əhmədin ailəsini qətlə yetirdiyi görüntülərin səslərindən bir sıra istifadəçilər "TikTok"da videolar hazırlayır. Eyni zamanda, Əhmədin qətlini bu sosial şəbəkədə müdafiə edənlər az deyil. Azərbaycanda bu tip videolar və zərərli kontentlər necə məhdudlaşdırıla bilər?

Mövzu ilə bağlı Sonxeber.az-a danışan Azərbaycan İnformasiya və Kommunikasiya Texnologiyaları Sənayesi Assosiasiyası İctimai Birliyinin İdarə Heyətinin sədri Elvin Abbasov "TikTok"un faydalı bir platforma olmadığını düşünürəm. Platformada Azərbaycan üçün faydalı kontentin az olduğunu və ölkə üçün yararsız bir tətbiq olduğunu bildirib:

" "TikTok"un özündə qoyulan həllərdən görülür ki, bu tip məzmunlar münasibdir. YouTube-da bu günləri bir müəllif hüququ deyilən bir anlayış var. Burada siz hansısa bir səsdən istifadə zamanı onun orijinallığına dair hər hansı bir isim istəyir. Dünyada yüzlərlə məşhur sosial şəbəkə var. Onların beynəlxalq müstəvidə qəbul olunanları hamı üçün məlumdur ki, Facebook, Instagram, X və TikTok-dur. Bunun kimi əlbəttə bir neçəsi var. Müxtəlif ölkələrdə başqa sosial şəbəkələr var ki, orada daha çox populyardır. Bu platformaların özünün müəyyən bir konsepti var. "TikTok" ən son çıxan sosial şəbəkələrdən biridir və özünəməxsus konsepti var. Orada videoları daha rahat yaratmaq olur".

Ekspertin sözlərinə görə, məsələyə başqa bir müstəvidən baxanda hər bir sosial şəbəkə hansı ölkədə iştirak edirsə, o ölkə üçün faydalı kontent yaratmalıdır:

"TikTok sosial şəbəkəsində ümumiyyətlə istedadı olmayan, intellektual kapitalı və heç bir bilik bacarıqları olmayan insanlar çox rahat məşhurlaşa bilir. "TikTok" ümumiyyətlə ölkələr üçün faydalı bir sosial şəbəkə olduğunu inanmıram. Bu günləri platformada yaradılan mühit və şərait faydasız, intellektsiz insanların qeyri-etik hərəkətlər ilə məşhurlaşmasıdır. İnsanlar var ki, bu videoları tənqid edir, amma baxır. Baxdıqca isə onu məşhurlaşdırır. Azərbaycan TikTok platformasında bacarıqsız və biliksiz insanlar, bacarıqlı olan insanları üstələyib. Konkret olaraq bu şəbəkədə bu tip insanlar onları kölgədə qoyub. Tiktok Azərbaycanda öz imicini düzəltmək üçün faydalı işlər görməlidir. Eyni zamanda Azərbaycanda faydalı kontent yaradılmasını təşviq etməlidir. Bunun üçün layihələr həyata keçirilməlidir. Əks halda Azərbaycanın biliksiz insanları, savadlı kütlədən daha populyar olacaq".

Elvin Abbasov yayılan qətl hadisəsini görüntüləri ilə bağlı hazırlanan videolara münasibət bildirib:

"Əslində TikTok sözügedən qətl hadisəsinin görüntülərini analiz etməli idi. Görüntülərin qətl hadisəsi olduğunu və səsin istifadəsini qadağan edə bilərdi. Əfsuslar olsun ki, TikTok bu tip işlərlə maraqlanmır. Onlar daha çox faydasız insanları populyarlaşdırmaqda maraqlı olduğundan ölkə üçün əhəmiyyətli halları nəzərə almır".

Sevda Səfərova

Telegramda izləyin