Narkotiki təbliğ edən şəxsləri hansı CƏZA GÖZLƏYİR? - AÇIQLAMA

Divarlarda bu yazıları gördükdə ağla ilk olaraq ya musiqi, ya da oyun saytı olduğu gəlir. Lakin sayta giriş etdikdə bunun heç də belə olmadığını görürük. Çünki sözügedən sayt teleqram botuna bağlı olan narkoşəbəkənin saytıdır. Əfsuslar olsun ki, bu saytın adı məktəblilərə yaxın ərazilərdə rast gəlinir. Bəs Azərbaycanda narkotik satışını təbliğ edənləri hansı cəza gözləyir?

Məsələ ilə bağlı, hüquqşünas Şamil Paşayev Sonxeber.az-a açıqlamasında bildirib ki, narkotik vasitələri satış məqsədilə həyata keçirmək üçün bir sıra yollardan istifadə edilir:

"Onların özünün marketinq planları olur. Digər satış həyata keçirən şəxslər ilə birlikdə özünün düzənləri olur. Onlarda effektiv üsullardan istifadə edir və daha çox satış edirlər. Narkotik istifadəsi və satışı xeyli miqdarda artıq olduqda, əldə etmək, saxlamaq və daşımaq cinayətdir. Narkotik vasitələrin satışı isə miqdarından asılı olmayaraq cinayət hesab olunur. Nəzərə almaq lazımdır ki, mediadan və internet informasiya ehtiyatlarından, internet telekommunikasiya şəbəkələrindən istifadə etməklə narkotik vasitələrin satışını təmin etmək 5 ildən 12 ilə qədər azadlıqdan məhrum etmə ilə cəzalandırılır".

Şamil Paşayevin sözlərinə görə, bu kimi yollardan, adlardan istifadə edən şəxslərin məsuliyyətə cəlb edilməsi ilə həll edilir. Nəzərə almaq lazımdır ki, xüsusən teleqram botları və saytlar vasitəsilə bunları etməklə narkotik qlobal sferaya daxil olub:

"Geniş kütləyə xitab edən satış metodlarını özündə birləşdirir. Bunların bir çoxu xaricdən idarə olunur və Azərbaycanda bu şəbəkələri tapmaq, onları məsuliyyətə cəlb etmək asan deyil. Amma hüquq-mühafizə orqanlarının həyata keçirdiyi əməliyyat-axtarış tədbirləri nəticəsində bir çox Azərbaycanda fəaliyyət göstərən qruplaşmaları məsuliyyətə cəlb etmək olur. Xaricdən saytlarının və teleqram kanallarının idarə olunması qlobal şəbəkədir. Bu məsələni kökündən həll etmək təkcə Azərbaycan hüquq-mühafizə orqanlarına aid deyil. Eyni zamanda burada bütün olan hüquq-mühafizə orqanlarının, dövlətlərin və beynəlxalq reaksiyaların alması ilə həll edilə bilər".

Telegramda izləyin