Ölkədə baş verən hadisələr zamanı Ailə, Qadın və Uşaq Problemləri üzrə Dövlət Komitəsi hara baxır? - TƏNQİD

Son zamanlar ailə daxili şiddət halları artıb. Bakının Xəzər rayonu, Türkan kənd sakini Əliyev Muxtar (ad, soyad şərtidir) öz azyaşlı qızını döyərək işgəncə verməsi ilə bağlı görüntülər yayılıb. Eyni zamanda sosial şəbəkələrdə 156 nömrəli məktəbin XI sinif şagirdinin (müvafiq səbəbdən şagirdin adı qeyd olunmur) yanvarın 17-si məktəbdən kənarda 2023-cü ildə IX sinifdən məzun olmuş qıza qarşı uyğunsuz və qeyri-etik davranışına dair görüntülər yayılıb. Bəs bu hadislər baç verməzdən əvvəl Ailə, Qadın və Uşaq Problemləri üzrə Dövlət Komitəsi
hansı addımlar ata bilər?

Məsələ ilə bağlı sosiloq Əhməd Qəşəmoğlu Sonxeber.az-a açıqla verib.

Sosioloq ilk növbədədə təcrübəli mütəxəssislərdən ibarət ciddi Məsləhət Şurasının yaradılmasının vacibliyini vurğulayıb:

"Ailə, Qadın və Uşaq Problemləri üzrə Dövlət Komitəsinə mən öz təkliflərimi mətbuat, müsahibələr vasitəsi ilə dəfələrlə bildirmişəm. Amma o qurumdakı əməkdaşlar özlərini məndən ağıllı və təcrübəli bildikləri ücün dediklərimi qulaqardına vururlar. Belə düşünürlər ki, məmur olduqları ücün mütəxəssisə daha üstündürlər. Halbuki, məni dəvət edib, məsləhətləşmə bilərdilər. İlk növbədə nə etmək lazımdır?

Birincisi ciddi, təcrübəli mütəxəssislərdən ibarət ciddi Məsləhət Şurası yaradılmalıdır.
2) Ailədə ahəngdar münasibətlərin yaranması üçün, ən müasir elmi tələblərə cavab verən Platforma yaradılmalıdır. Ölkədə, ailədə gərginlik yaradan proseslərin idarə edilməsi üçün elmi konsepsiya hazırlanmalıdır.
3) Ölkədə sosial siyasətin hansı istiqamətdə dəyişməsinə ehtiyac olduğu barədə təkliflər hazırlamaq lazımdır.
4) Hər bir məhlədə, sahə müvəkkili olduğu kimi, sosial iş xidmətinin yaradılması vacibliyi barədə dövlətə təkliflər hazırlanmalıdır.
5) Cinayət tərkibli hadisələr baş vermiş ailələrin sosial, psixoloji problemləri barədə ətraflı məlumatlar toplanıb, hüquq mühafizə orqanlarındakı mütəxisslərlə birlikdə təhlil edilməlidir.
6) Boşananların arasında ciddi sosioloji sorğu keçirmək lazımdır.
7) Onların valideyinləri arasında ciddi sosioloji sorğu keçirilməlidir.
8) Boşanma işinə baxan məhkəmə işçiləri ilə müzakirələr keçirilməlidir və s. Bunlar əsasında ciddi Fəaliyyət Proqramı və onun həyata kecməsi mexanizmi hazırlanmalıdır.

Sosiloq sonda günü- gündən mürəkkəbləşən cəmiyyətdə belə problərin həllinə yeni, elmi təminatlı yanaşma tələb olunduğunu bildirib.

Xatırladaq ki, ötən günlərdə Bakıda ailəsinin beş üzvünü öldürməkdə təqsirləndirilən Əhməd Əhmədov saxlanılıb. Ondan bir müddət əvvəl isə Ruslan və Yeganə cütlüyünün bir-birinə qoşularaq qaçmışdı. Məsələdə diqqətçəkən məqam isə gəlinin nikah yaşına çatmaması və özündən 2 dəfə böyük olan 32 yaşlı şəxslə ailə həyatı qurması idi.

Telegramda izləyin