Qızılcaya görə məktəblər bağlanıb, ONLAYN təhsilə KEÇİR?

Cəlilabad rayonunda son on gün ərzində 83 nəfər qızılca virusuna yoluxub. Noyabr ayından bugünədək yoluxma sayı 576 nəfər təşkil edir. Yoluxanlardan 18 yaşdan kiçiklər 379 nəfər, 18 yaşdan böyüklər isə 197 nəfərdir. Hazırda aktiv xəstə sayı 83 nəfərdir. Xəstələrdən biri stasionar şəraitdə müalicə olunur. Yoluxma halları isə daha çox məktəb və bağçalarda müşahidə olunur. Yoluxma hallarının çox olduğu məktəblər önümüzdəki günlərdə onlayn təhsilə keçə bilər?

Məsələ ilə bağlı infeksionist Mərdan Əliyev Sonxeber.az-a açıqlama verib.

O bildirib ki, məktəblərdə və bağçalarda hansısa sinifdə qızılcaya yoluxma halı qeydə alınıbsa, bir müddət uşaqların evdə qalması doğrudur:

"Qızılca daha sürətli yayıldığı üçün ocaqlı şəkildə alovlanmalar müşahidə edilir. Bu xəstəlik Covid19 kimi deyil. Müəyyən rayonda və ya kənddə xəstəlik sürətli yayılır, daha sonra isə azalır və sönür. Bu hadisəni daha sonra digər ərazilərdə müşahidə edirik.

Qızılca xəstəliyinin xüsusiyyəti belədir. Bunun da səbəbi qızılcanın sürətli yoluxduğu üçün, birdən də alovlanma müşahidə olunur. Bu zaman da təbii olaraq yoluxma sayı artır. Bunun qarşısı almaq üçün ilk növbədə peyvədlər edilməlidir. Bu ən yaxşı qorunma üsuludur. Peyvəndin heç bir əks göstəricisi yoxdur. Məktəblərdə və bağçalarda hansısa sinifdə qızılcaya yoluxma halı qeydə alınıbsa, bir müddət uşaqların evdə qalması doğrudur. Bu zaman dərslər onlayn rejimdə davam edə bilər. Həmin məktəb və bağça bağlana da bilər. Amma buna artıq dövlət səviyyəsində qərar verilməlidir",

Telegramda izləyin