Azərbaycanda kənd məhsullarının bahalaşmasının səbəbi nə ilə bağlıdır? - AÇIQLAMA

Xəbər verdiyimiz kimi, bölgələrdə soğan kartof istehsalçıları yetişdirdikləri məhsulu sata bilmirlər. Ağdam və Ağcabədidə tonlarla məhsul anbarlarda qalaraq günü-gündən məhv olur. Belə ki, Ağdamda 30-35 kiloqramlıq məhsulun kisəsi 2-4 manata təklif edilir. Bəs Azərbaycanda kənd təsərrüfatı məhsullarının bahalaşmasının səbəbi nə ilə bağlıdır?

Mövzu ilə bağlı, iqtisadi məsələlər üzrə ekspert Natiq Cəfərli Sonxeber.az-a açıqlama verib:

"Azərbaycanda ümumi inflyasiya yüksəkdir. İnflyasiyanın yüksək olması, bir çox sahədən kənd təsərrüfatı məhsullarının qiymətinə təsir göstərir. Amma bu spesifik sahə olduğuna görə burada başqa təsirlər var. Burada ilk olaraq mövsümi təsirləri nümunə göstərmək olar. Azərbaycanda ənənəvi olaraq dekabr ayından sonra yerli məhsullar bazardan azalmağa başlayır. Bu müddət aprel-may aylarına qədər davam edir. Bunun nəticəsində qiymətdə artır. Bunu qiymət artımı kimi səciyyələndirmək olar. Əsas problem odur ki, ümumi inflyasiya tendensiyası səngimir. Paralel olaraq bütün məhsullar, o cümlədən kənd təsərrüfatı məhsullarına öz təsirini göstərir".

Sevda Səfərova

Telegramda izləyin