Oyuncaq "şpionluğu": Onlar uşaqlara hansı təhlükələri yaradır?

Texnika və texnologiyanın inkişaf etdiyi bir dövrdə zamanla ayaqlaşmalı oluruq. Məişət qayğılarından tutmuş, uşaqların qayğısına qədər elektron vasitələrdən istifadə edirik. Lakin internet üzərində həyata keçirdiyimiz əməliyyatlar zamanı kiberhücumlardan heç də sığortalı deyilik. Çünki şəxsi məlumatlarımız oğurlana, bizlərə qarşı istifadə oluna bilər.

Hər birimiz uzaqdan idarə olunan oyuncaqlar ilə rastlaşmışıq. Həm işimizi, həm də uşaqlara nəzarəti asanlaşdırmaq üçün müraciət etdiyimiz bu tip robotlar təhlükə mənbəyi imiş. Belə ki, Android əməliyyat sisteminə əsaslanan interaktiv cihazda uşaqların təhlükəsizliyi ilə bağlı boşluqlar aşkarlanıb. Burada valideynlər ilə əlaqə qurmaq üçün bütün şəxsi məlumatlar tələb olunur. Hakerlər bu şəxsi məlumatları ələ keçirərək uşaqlar ilə əlaqə qura bilirlər. Bəs valideynlər bu təhlükədən xəbərdardır?

Sonxeber.az xəbər verir ki, İT ekspert Fərhad Mirəliyev "Apa TV"yə açıqlama verib. O, bildirib ki, insanlar uyğunluq sertifikatı olmadan avadanlıq almamalıdır:

"Ucuz və keyfiyyətsiz Çin malları ilə müqayisədə nəhəng istehsalçılar öz satdıqları avadanlıqlara müəyyən müddət ərzində dəstək verirlər. Bu dəstək həmin avadanlıqların yenilənməsi ilə bağlı olur. Proqram təminatında müəyyən müddət ötdükdən sonra aşkarlanan boşluqlar həmin istehsalçı tərəfindən yenilənmələr göndərilməklə sıfırlanmış olur. Bu proses 3-5 il ərzində mütəmadi davam edir. İstehsalçı avadanlığı dəstəyi dayandırdıqdan sonra tövsiyə olunur ki, istehlakçılar daha üst modelə müraciət etsinlər".

Ətraflı "Apa TV"nin süjetində:

Telegramda izləyin