Nikahlar azalıb, boşanmalar isə artıb! - SƏBƏB NƏDİR? - VİDEO

Pandemiya səbəbilə 2020-2021 ci illərdə toylar qadağan edildi. Bu ərəfədə nikahların azalması başa düşüləndir. Ancaq maraqlısı odur ki, 2023-cü ildə son 20 il ərzində ən az nikah bağlanan il olub. Azərbaycanda nikah sayı əvvəlki illərə nisbətdə 12 faiz azalıb. Boşanmaların sayı isə 36 faiz artıb.

Sonxeber.az xəbər verir ki, sosioloq Rəşad Əsgərov "Xəzər Xəbər"ə açıqlama verib. O, bildirib ki, sosial müavinət almaq üçün bir yerdə yaşayıb və rəsmi olaraq boşanmaq bu statistikaya təsir göstərir:

"Ata ana işsizdir yaxud az gəlirlidir. Belə olan halda boşanmış ailə üzvünün uşaqların tərbiyəsinə və qayğısına qalmaq, bunun müqabilində dövlətin sosial yardımın sistemindən yardım almaq ehtimalı, dövlət tərəfindən güzəştin edilməsi daha yuxarı həddə olur. Hər ikisi işləyirsə onların yardıma çıxışı məhdudlaşır. Regionda bu hallar daha çox özünü göstərir".

Sosioloqun sözlərinə görə əhalinin sayında artım olması nikaha girənlərin sayında artım müşahidə olunmalı idi. Ancaq nikaha girənlərin sayının azalması sosial problem ilə bağlı olan bir məsələdir:

"Bu daha çox evlənmək yaşının müəyyən qədər gecikdirilməsi, toyların təxirə salınması ilə nəticələnə bilər. İkinci məsələ isə müasir dövrün gəncləri 20-30 il əvvəlin gəncləri ilə müqayisədə maariflənib, təhsil alaraq evlənməyə üstünlük verirlər".

Ətraflı"Xəzər Xəbər"in süjetində:

Telegramda izləyin