Əsgər Ruslan Pənahov postu tərk etdiyinə görə, komandir heyəti CƏZALANDIRILA BİLƏR! - AÇIQLAMA

Xəbər verdyimiz kimi, Ermənistan Ruslan Pənahovun Azərbaycana təhvil verilməsi barədə qərar qəbul edib. Bu barədə Ermənistan mediası ölkənin Milli Təhlükəsizlik Xidmətinə istinadən məlumat yayıb. Qərarın "ən yüksək səviyyədə Ermənistanla Azərbaycan arasında əldə edilmiş razılaşmaya uyğun olaraq" qəbul edildiyi bildirilib. Lakin erməni mətbuatının ortaya atdığı bir sıra iddialar. Ermənistan mətbuatı əsgərlər arasında mübahisə yarandığını və Ruslanın postu bu səbəbdən tərk etdərək azdığı bildirilir. Belə olan təqdirdə yolunu itirərək Ermənistan sərhədinə keçən əsgər Ruslan Pənahov cəzalandırılacaq?

Mövzu ilə bağlı hərbi ekspert Səxavət Məmmədli Sonxeber.az-a açıqlamasında bildirib ki, Əsgər Ruslan Pənahovun geri qaytarılmasında Ermənistan tərəfinin ortaya atdığı iddia yaxud bəzi məsələlər onsuzda araşdırılacaq:

"Əsgərin hansı səbəbdən postu tərk etməsi və bunun ardında qalan məqamlar aydınlaşdırılacaq. Əsgər ona kobud rəftarın edildiyini yaxud təzyiqlərə məruz qaldığını bildirərək postu tərk etdiyini deyə bilər. O zaman buna səbəb olan həmin şəxslərdə cəzalandırılacaq. Əgər kiminsə səhlənkarlığı yaxud əsgəri təkbaşına mövqeyə göndərmək ucbatından bu hadisə baş veribsə, yenə də məsul şəxslər cəzalandırılacaq. Amma bu məsələdə, əgər əsgər həqiqətən bilərəkdən həmin istiqamətə keçibsə, bunun arxasında fərqli səbəblər yatmayıbsa indiki məqamda əsgərin cəza almasından daha çox komandir heyətinin cəzalandırılacaq".

Ekspertin sözlərinə görə, əsgərə qarşı hansısa bir kobudluq göstərilir yaxud azaraq keçirsə ortada nəzarətsizlik halı var:

"Hesab edirəm ki, komandir heyəti cəzalandırılacaq. Əsgər Azərbaycana qaytarılandan sonra mütləq şəkildə araşdırma aparılacaq. Əsgərin hazırda hərbi xidməti davam edir. Prokurorluq ilə birlikdə burada xüsusi xidmət orqanlarıda bu məsələdə araşdırma aparacaq. Araşdırmanın nəticəsinə görə, cəza yaxud cəzalar veriləcək. İndiki məqamda Ermənistan tərəfi informasiyanı yaymaqla "top"u sanki Azərbaycanın qapısına ötürür. Onlar Azərbaycan Ordusunda nizam-intizamlıqda ittiham etmək istəyir. Azərbaycan tərəfinində düşündüyü versiyalar var. Ehtimal ki, əsgər qaytarılmamışdan əvvəl Azərbaycan bu istiqamətdə hansısa addımlar atıb və araşdırmalar aparılıb. Mən düşünmürəm ki, cəza olacaqsa təkcə əsgər cəzalandırılacaq. Bu məsələ ilə bağlı bir çox şəxs məsuliyyət daşıyır".

Xatırladaq ki, fevralın 28-i səhər saatlarında Azərbaycan Ordusunun əsgəri Ruslan Eldəniz oğlu Pənahov Laçın rayonu ərazisindəki xidməti mövqelər arasında hərəkət edərkən əlverişsiz hava şəraitində istiqaməti itirərək azıb və Ermənistan tərəfə keçib.

Sevda Səfərova

Telegramda izləyin