"Şəhid və qazi ailələrinə kommunal xidmətlər pulsuz olmalıdır" - Deputatdan TƏKLİF

Bu gün müzakirə olunan məsələlərdən biri də şəhid və qazi ailələri üçün kommunal xidmətlərin pulsuz olmasıdır. Bu məsələ bir neçə dəfə Milli Məclisdə də qaldırılıb. Şəhid və qazi ailələri üçün kommunal xidmətlər pulsuz ola bilərmi?

Bununla bağlı Sonxeber.az-a danışan deputat bildirib ki, bugünkü möhtəşəm qələbəmizi Ali Baş Komandan İlham Əliyevə və ərazi bütövlüyümüz uğrunda canından,sağlamlığından keçən mərd oğullarımıza borcluyuq:

"Bu gün dövlətimiz tərəfindən şəhid ailələrinə və qazilərimizə xüsusi qayğı göstərilir. Şəhid ailələrinin və qazilərimizin sosial rifahının yaxşılaşdırılması istiqamətindən dövlətimiz tərəfindən bütün addımları atılmaqdadır. Bu gün şəhid ailələri, müharibə veteranlarına və qazilərə dövlətin maddi və mənəvi dəstəyi də ən yüksək səviyyədədir. Cənab Prezident İlham Əliyev və Birinci vitse-prezident Mehriban xanim Əliyeva tez-tez şəhid ailələri və müharibə əlilləri ilə daim görüşür, onların sosial problemləri ilə maraqlanırlar. Bilirsiniz ki, İkinci Qarabağ müharibəsindən sonra bu həssas kateqoriyadan olan vətəndaşlarımızın işlə təmin edilməsi üçün Əmək və Əhalinin Sosial Müdafiəsi Nazirliyinə cənab Prezident tərəfindən göstəriş verilib. Bu gün qazilərimizin müalicəsi ən yüksək səviyyədə həyata keçirilir. Müharibə zamanı əlini, qolunu, ayağını itirmiş qazilərimiz ən müasir protezlərlə təmin olunurlar. Ölkəmizdə müalicəsi mümkün olmayan qazilərimiz dövlətimiz tərəfindən digər ölkələrdə müalicə olunaraq Vətənə qayıdırlar".

Deputat vurğulayıb ki, kommunal xidmətlərin şəhid və qazi ailələri üçün pulsuz olması məsələsinə baxıla bilər:

"Məncə şəhid və qazi ailələrinə kommunal xidmətlər pulsuz olmalıdır.

Bununla bağlı ilk olaraq şəhid və qazi ailələrinin konkret siyahısı hazırlanmaldır. Düşünürəm ki, kommunal xidmətlərin pulsuz olması qazi və şəhid ailələri üçün böyük dəstək olar. Çünki ay ərzində kommunal xidmətlərə xərclənən pulu hesablayanda kifayyət qədər böyük məbləğ edir. Bununla bağlı müvafiq dövlət qurumları öz təkliflərini hazırlamalıdır".

Telegramda izləyin