Bakıda restoran və bazarlara yüzlərlə xəstə donuzlar satılıb – QORXUNC İDDİA

3 min donuzdan yarısı satılıb. Satılmayanlarda isə xəstəlik aşkarlanıb. Buna görə də yaxınlıqdakı donuzlarda tələf olub. Paytaxtın Suraxanı rayonu Dədə Qorqud qəsəbəsində donuzçuluq təsərrüfatı ilə məşğul olan İlqar Əliyev və həyat yoldaşı Tatyana Əliyeva iddia edir ki, hər şey qonşuluqdakı fermaya ötən ilin sonunda 3 mindən çox donuzun gətirilməsindən sonra oldu.

Sonxeber.az xəbər verir ki, şəxslər "Xəzər Xəbər"ə açıqlama verib:

"3 min dənə donuz gətirildi. Yarısından çoxu satıldı. Sata bilməyəndən sonra qida yoxlanıb. Qidaların tərkibində infeksion xəstəlik aşkarlandı. Ona görə öldürüb və basdırıblar. Həkim gəlib bizə dedi ki, sizin heyvanlarınızda çox güman ki, pastreoloz var. Ona qarşı biz dərmanlar vurduq. Xeyri olmadı və hamısı məhv olmağa davam etdi".

İlqar Əliyevin sözlərinə görə xəstə donuzlar restoran və bazarlara satılıb. Bunu satan şəxsin isə saxlanıldığı bildirilib:

"Biz görmüşük. 3 min dənə donuz kəsilərək bazarlara verilib. 2-4 dənə donuzumuz var idi. 30-u isə olub".

Səsləndirilən iddia ilə bağlı yaxınlıqdakı fermaya baş çəkilib. İçəridə isə heç kim olmadığından suallar isə cavabsız qalıb.

Ətraflı "Xəzər Xəbər"in süjetində:

Telegramda izləyin