62 yaşlı kişi 217 dəfə COVİD-19 peyvəndi VURDURDU - MARAQLI ARAŞDIRMA

Almaniyada 62 yaşlı kişi həkimlər tövsiyə etməsə də, 217 dəfə "Covid" peyvəndi vurdurub.

Sonxeber.az xəbər verir ki, bu barədə "Lancet Infectious Diseases" jurnalında olan məlumatda bildirilib. Peyvəndlər özəl klinikalardan alınıb və 29 ay ərzində tətbiq edilib.

Tədqiqatçılar sözügedən adamda heç bir problem olmadığını bildiriblər. Universitetin Mikrobiologiya fakültəsindən Dr. Kilian Şober vəziyyət ilə bağlı açıqlama verib:

"Bu hadisəni qəzet xəbərlərindən öyrəndik. Sonra şəxslə əlaqə saxladıq və Erlangendə bəzi testlərdən keçmək istədiyimizi bildirdik. Bu onun xeyli diqqətini cılb etdi".
Bununla əlaqədar olaraq, kişidən qan və tüpürcək nümunələri götürülüb, ekspertlər isə son illərdə saxlanılan dondurulmuş qan nümunələrini də araşdırıblar:

"Biz araşdırmalara davam edərkən, istəyi ilə xəstəyə yenidən vaksin vurduq. Daha sonra isə əldə etdyimiz nümunələri, immun sisteminin peyvəndlərə reaksiyasını tam olaraq müəyyən etmək üçün istifadə etmək fürsətimiz oldu".

Maqdeburq şəhərinin prokuroru sözügedən şəxsə məxsus 130 peyvəndin sübutunu toplayıb və saxtakarlıq araşdırmasına başlayıb, lakin heç bir ittiham irəli sürülməyib.

"Covid" vaksinləri infeksiyaya səbəb olmur, ancaq bədəndə xəstəliklərə qarşı immunitet yaradır. Dr. Şober immunitet sistemini bu qədər peyvəndə öyrəşdirməyin müəyyən hüceyrələrdə yorğunluğa səbəb ola biləcəyindən narahat idi. Lakin tədqiqatçılar 62 yaşlı kişidə belə bir hala rast gəlməyib. SÖzügedən şəxsdə isə koronavirus xəstləyinə rast gəlinməyib.

Mütəxəssislər həddindən artıq peyvəndi məsləhət görmür. Onlar iş üzrə apardıqları testlərin ümumi nəticə çıxarmaq üçün kifayət etməyəcəyini vurğuladılar.

Sevda Səfərova

Telegramda izləyin