Gömrük Komitəsində qalmaqal: "Siz öz ananızı, bacınızı belə təbrik edirsiniz?"

Dövlət Gömrük Komitəsi 8 Mart Beynəlxalq Qadınlar Günü münasibətilə xanım əməkdaşlarını təbrik edib. Qurumun təbriki publik formada olub və ciddi ictimai müzakirələrə zəmin yaradıb.

Yenisabah.az bildirir ki, təkcə sadə vətəndaşlar deyil, çox sayda mütəxəssis də Komitənin seçdiyi təbrik formasını məqbul saymayıb. Sözügedən videoya münasibət bildirən bir çox həkim və psixoloq bu "təbrik"in xanım əməkdaşlara stress yaşatdığını bildiriblər. İddia ediblər ki, zərif cinsin nümayəndələrinə qarşı bu münasibət onlara ciddi stress yaşatdığı üçün gələcəkdə müxtəlif xəstəliklərə tutulmalarına səbəb ola bilər.

Qeyd edək ki, bu məsələ ötən gündən bəri sosial şəbəkələrdə ciddi müzakirə olunmaqdadır. Şəbəkə istifadəçiləri dövlət qurumunda qadınlara belə ciddi stress yaşatmağın yolverilməz olduğunu bildirirlər. Bu "zarafat"ın yersiz olduğunu vurğulayan vətəndaşlar məsuliyyətin birbaşa DGK rəhbərliyinin üzərinə düşdüyünü vurğulayıblar.

Bəzi sosial şəbəkə istifadəçiləri isə DGK rəhbərliyinə bu məzmunda suallar ünvanlayıblar: "Siz öz ananızı, bacınızı bu cür təbrik edərdiniz?"

Telegramda izləyin