Azərbaycanda narkotik vasitələri kimlər və niyə yayır? - AÇIQLAMA

2023-cü il hüquq mühafizə orqanları tərəfindən qanunsuz 4 ton 211 kq marixuana götürülüb ki, bu da 2022-ci ilin eyni dövrü ilə müqayisədə 2 dəfədən çoxdur. Bu barədə Narkomanlığa və Narkotik Vasitələrin Qanunsuz Dövriyyəsinə Qarçı Mübarizə üzrə Dövlət Komissiyasının 2023-cü illə bağlı hesabatında qeyd olunub. Bəs Azərbaycanda narkotik vasitlərin yayılmasında kimlər iştirak edir? Bununla bağlı ahnsı tədbirlər həyata keçirilir.

Mövzu ilə bağlı "Polisə Dəstək" İctimai Birliyinin sədri, təqaüddə olan polis polkovniki Şəmsəddin Əliyev Sonxeber.az-a açıqlama verib. O, bildirib ki, bu məsələ bütün dünyada aktual və qlobal olaraq qalır. Son illərdə narkotik maddələrin dövriyyəsi ilə bağlı mübarizə sərt, prinsipiallıq ilə davam edir:

"Narkotik dövriyyəsinə dayaq olan, havadarlıq edən bir sıra dövlətlər "biznes"in inkişafına imkanlar yarada bilirlər. Bunların öz qanunsuz və bəşəriyyət üçün təhlükəli olan fəaliyyətlərinin qarşısını almaq üçün bütün vasitələrdən, o cümlədən hərbi texnikalardan istifadə edirlər. Narkotik vasitələr, psixotrop maddələrin qanunsuz dövriyyəsi ilə məşğul olan transmilli mütəşəkkil cinayətkarlığın növü kimi hakimiyyətin budaqlarında belə havadarları var. Bu hal dünyada belədir. Təbii ki, "biznes"dən əldə edilən pullar, milyardlar ilə qanunsuz silahlı birləşmələr, terror təşkilatlarının yaradılmasında istifadə edirlər. O cümlədən həmin təşkilatlara təsir və təzyiqlər göstərə bilərlər".

Ekspertin sözlərinə görə, Azərbaycanda son 5 il ərzində narkotikə qarşı mübarizə yüksək səviyyədə həyata keçirilir. Daha çox qonşu dövlətdən, sərhədlər bağlı olsa da, ciddi nəzarət edilsə də bunları keçirmək üçün müəyyən dəhlizlər yaranır:

"Amma bu mənbəni açıqlamaq istəmirlər. Burada bizim vətəndaşlarımıza irad bildirmək lazımdır. Mənbə deyilməlidir ki, Daxili İşlər Nazirliyi (DİN) Baş Narkotiklərlə Mübarizə İdarəsinin əməkdaşları və polis idarələri bununla bağlı səmərəli tədbirlər həyata keçirilsin, səmərəli nəticə əldə olunsun. Bəzən İran vətəndaşlarının adları bəlli olsa da, Azərbaycan tərəfinin onlara göndərdiyi sorğular, onların bizə verilməsi, dindirilməsi ilə bağlı çağırışlar demək olar ki, cavabsız qalır. Nə qədər ağır olsa da, İranın bu istiqamətdə maraqlı olduğu aydındır. Əldə edilən məbləğ terror təşkilatlarının maliyyələşdirilməsinə, saxlanmasına, təchiz edilməsinə sərf olunur. Bu da təbii ki, beynəlxalq aləmdə və bütövlükdə ümumdünya sistemində sülh üçün böyük təhlükə yaradır".

Şəmsəddin ƏIiyev deyib ki, narkotik vasitələrin qanunsuz dövriyyəsi ilə bağlı Azərbaycan polisini müəyyən qismini elə almaq belə mümkün olmur:

"Tapşırıq və təlimat əməkdaşlarımız ciddi verilib ki, heç kim nəzarətdən və məsuliyyətdən kənarda qalmır. Aparılan işlər nəticəsində ötən ilə nəzərən ələk keçirilən narkotik vasitələrin çəkisi də artır. Bu sahədə vətəndaşlarımız Azərbaycan polisinə kömək etməlidirlər. Hər hansı məlumat varsa, əməkdaşlarımız ilə əlaqə saxlamalıdır. Ona görə də biz bununla qarşılıqlı və birlikdə mübarizə aparmasaq narkomaniyanın eskalasiyası genişlənəcək. Bundan istifadə halları da cavanlaşacaq. Elə dövlətlər var ki, bununla bağlı mübarizə dərəcəsi yox səviyyəsindədir və beynəlxalq normalara əməl etmirlər. Əfsuslar olsun ki, bəzi ölkələrdə açıq bazar mövcuddur. Bu bazar nə qədər bağlanmayıb, bununla bağlı transmilli mütəşəkkil cinayətkarlığın qarşısını almaq mümkün olmayacaq".

Telegramda izləyin