Rusiyada teraktda həlak olanların ilkin SİYAHISI: Birinin azərbaycanlı olmaq ehtimalı var - YENİLƏNİR + FOTO

Moskva vilayətinin Səhiyyə Nazirliyi "Crocus City Hall" konsert kompleksində törədilən terror aktı nəticəsində həlak olanlardan şəxsiyyəti müəyyənləşdirilənlərin siyahısını dərc edib.

İlkin siyahıda 37 nəfərin adı var. Onlardan birinin - Vüqar Hüseynovun - azərbaycanlı olmaq ehtimalı var.

11:42

Moskva vilayətində "Crocus City Hall" konsert kompleksində törədilən terror aktı nəticəsində aralarında azyaşlıların olduğu 100-dən çox insan xəstəxanaya yerləşdirilib.

Bu barədə Rusiya Səhiyyə naziri Mixail Muraşko "Rossiya-24" telekanalında məlumat verib.

"115 nəfəri xəstəxanaya yerləşdirdik, onlardan beşi uşaqdır. Bir uşağın vəziyyəti ağırdır", - deyə o bildirib.

Nazirin sözlərinə görə, daha 60 yetkin yaralının vəziyyəti ağırdır.

O, 30-dan çox insana isə ambulator yardım göstərildiyini vurğulayıb.

Xatırladaq ki, ötən gün "Crocus City Hall" konsert kompleksində terror aktı törədilib. Son məlumatlara görə, hadisə nəticəsində həlak olanların sayı 82 nəfərə çatıb. Ölənlərin və yaralananların sayının artacağı istisna olunmur.

Bundan əvvəl Səhiyyə Nazirliyi terror aktı nəticəsində ölən və yaralananların ilk siyahılarını açıqlayıb.

Telegramda izləyin