Dırnaq ustası işləyən kişi: "Buna görə məni qınayanlar oldu" - VİDEO

Çox vaxt görünüşümüz qədər, əllərimizdə baxım tələb edir. Lakin şəhərdə gözəllik mərkəzlərindən birində fərqlilik var. Fərqli olan isə dırnaq ustasının xanım yox, bəy olmasıdır.

Sonxeber.az xəbər verir ki, Mirhəmid Hümbətov "Aztv Xəbər"ə bu sahəyə yeni başladığını deyib. O, buna baxmayaraq qısa zamanda müştəri toplaya bilib. Mövcud vəziyyətinə görə indiyədək müxtəlif sahələrdə çalışa bilməyib. Sonralar isə diqqətini manikür peşəsi çəkib. Ancaq bu seçiminə görə, onu qınayanlarda az olmayıb:

"İlk başlarda bir az çətin oldu. Rəylərdə bildirirdilər ki, kişidən dırnaq ustası olar? Bəziləri mənim diaqnozumu bilirdi, bəziləri isə bilmədiyi halda bu sözləri yazırdı. O sözü deyən insan bir işlə məşğuldursa, o işi bəyənib fəhlə işləyə bilər. Amma mənim o qədər alternativ işim yoxdur".
Mirhəmid Hümbətov deyir ki, xanımlar ilə işləmək çətin deyil. Hətta bəzən başına maraqlı hadisələrdə gəlib.

"Xanımlar ilə işləməyin həm yaxşı, həm də pis cəhəti var. Çalışıram ki, çərçivə daxilində bir dialoq qurum. Bu çərçivədən kənara çıxmamağa çalışıram. Vaxtım olduqca müəllimim ilə əlaqə saxlayıram və görüşürük".

Mirhəmid Hümbətov bu sahə üzrə özünü daha da təkmilləşdirməyi düşünür. Kurslara yazılır və seminarlara gedir.

Ətraflı "Aztv Xəbər"in süjetində:

Telegramda izləyin