"Universitetə qəbul olmaq istəyənlərin sayı onu göstərir ki, bu il ballar arta bilər" - Abituriyentlərin NƏZƏRİNƏ

Bildiyiniz kimi,hər il keçid ballarında azalma və artma müşahidə edilir. Bəs bu il keçid ballarında enmə və artması halları necə müşahidə ediləcək.

Məsələ ilə baölı təhsil eksperti Kamran Əsədov Sonxeber.az-a açıqlama verib.

O bildiirb ki, ali təhsil müəssisələrinə qəbul olmaq istəyənlərin sayında artım olduğunu nəzərə alsaq, bu balların artma ehtimalını qaçılmaz edir:

"Ali təhsil müəssisələrinə qəbul imtahanından sonra keçid ballarına bir neçə amil ciddi təsir göstərir. İlk olaraq təsir göstərən amil imtahanda iştirak edən abituriyentlərin sayıdır. Abituriyentlərin sayı çoxaldıqca keçid ballarınınn artma ehtimalı yüksəlir. Bu il ali təhsil müəssisələrinə qəbul olmaq istəyənlərin sayında artım olduğunu nəzərə alsaq, bu balların artma ehtimalını qaçılmaz edir.

İkinsi amil isə ali təhsil müəsisələrindəki plan yerləridir. Bu il ali təhsil müəsisələrində plan yerləri artacaq. Plan yerlərinin artması müəyyən dəyişikliklər yaradır. Biz zaman-zaman I ixtisas qrupu üzrə plan yerlərinin çox olmasını görmüşük. Məhz bu səbəbdən də , bu ixtisas qrupunu seçən aşağı bal toplayan abituriyentlər də universitetlərə qəbul ola bilib.

Yəni ixtisas qrupları üzrə plan yerlərinin dəyişməsi, keçid ballarına öz təsirini göstərir. Bu il 60 mindən çox plan yeri nəzərdə tutulub. Həmçinin "Qarabağ" və " Azərbaycan Türkiyə" universitetinin açılması da qəbul ballarına da təsir göstərir. Abituriyentlərin topladığı ballar keçid balını formalaşdırır. Ona görə abituriyentlərin balları nə qədər yaxşı olsa, ballar qalxacaq, pis olsa düşəcək".

Telegramda izləyin