Terrorçuların işgəncə görüntüləri niyə paylaşıldı? Rusiya rəsmisi 2 əsas səbəbi AÇIQLADI

"Crocus City Hall"da baş verən terror aktı yüzlərlə insanın həlak olması ilə tarixə düşdü. Həbs edilən 4 terrorçunun dindirilməsi zamanı işgəncə görüntüləri beynəlxalq ictimaiyyətdə geniş əks-səda doğurub.

Sonxeber.az xarici mənbəyə istinadən xəbər verir ki, ən çox diqqətçəkən məqamlar terroristlərin qulağının kəsilməsi və cinsi orqanlarına elektrik verilməsi olub.
Videoların necə və kim tərəfindən yayıldığı hələ də bəlli deyil. Amma Rusiyanın təhlükəsizlik xidmətlərinə yaxın olduğu düşünülən şəxslər tərəfindən teleqram kanalları vasitəsilə yayılıb.

Bəs istintaq görüntüləri məxfi olduğu hada, işgəncə videoları niyə yayıldı? Rusiyada İşgəncələrə Qarşı Komitənin hüquq müdafiəçisi Olqa Sadovskaya bildirib ki, Rusiyanın dövlət televiziyasında işgəncə videoları göstərilməyib.

"Sözügedən videoları yayımlamaqda iki məqsəd var idi. Birincisi, növbəti terror aktı planlaşdıra biləcək insanlara onların başına nə gələ biləcəyini sübut etməkdir. İkincisi isə bu terror aktında insanların çəkdiyi ağrının qisasının alındığını cəmiyyətə göstərməkdir".

Xatırladaq ki, martın 22-də Krasnoqorskda "Crocus City Hall" konsert zalında terror aktı baş verib. Əlisilahlı dörd nəfər konsertə gələnlərə atəş açıb, partlayış törədib, daha sonra kompleksdə yanğın başlayıb. Terrorçular həbs olunublar.

Telegramda izləyin