"Anama de, şəhid olsam..." bacısına bu sözləri dedikdən sonra şəhid oldu - VİDEO

"Kənanın şəhid olması tək ana üçün nə qədər çətin olsa da, bir o qədər qürurludur. 30 illik həsrətə son qoydular. Alnımızın ləkəsini təmizlədilər. Qarabağı geri qaytardılar. Mən onunla fəxr edirəm. Mən fəxr edirəm ki, belə bir oğulun anasıyam".

Sonxeber.az xəbər verir ki, bu sözləri "AzTv xəbər"ə şəhid Kənan Axundzadənin anası deyib.

Kənan Axundzadə 1994-cü ildə Lənkəranda anadan olub. Vətən, torpaq və bayraq sevgisi ilə böyüyüb. Hərbi xidməti başa vurduqdan sonra, müddətdən artıq hərbi qulluqçu kimi orduda qalıb. Vətən müharibəsinin ilk günündən döyüşlərə qatılıb.

"Müharibədə olduğunu mənə heç vaxt hiss elətdirmədi. Məni elə arxayın etmişdi ki, danışanda yüskək əhval-ruhiyyə ilə danışırdı. Həmişə deyirdi ki, ana qələbə bizimlədir. Az qalıb. Həmişə Kənan belə danışırdı. Müharibədə olduğunu hiss etmədim".

"Biz atamızı erkən itirmişik. Qardaşım mənə həm də ata əvəzi olub"- deyir bacısı. Müharibə başlayanda ilk bacısına zəng edir. Deyir ki, torpaqlarımızı azad edəcəyik. Amma şəhiddə ola bilərəm. Anama deyərsən ki, haqqını halal etsin:

"O həmişə öndə, qabaqda gedirdi. Mən fəxr edirəm ki, qardaşım zəfər şəhididir. Qardaşım bir qəhrəmandır".

Kənan döyüşlərdə cəsurluğu ilə seçilib və qəhrəmancasına şəhid olub.

Ətraflı "Aztv Xəbər"in süjetində:

Telegramda izləyin