Ziya Razi Əliyeva ilə deyil, onunla daha çox münasibətdə olub - YENİ DETALLAR
2017-ci ildə Azərbaycan gözəli seçilən, tanınmış model Raziyyat (Razi) Əliyevanı döyərək şantaj etməkdə təqsirləndirilən Ziya Hüseynzadənin növbəti məhkəmə prosesi baş tutub.
"Unikal"ın məlumatına görə, Bakı Ağır Cinayətlər Məhkəməsinin hakimi Səyavuş Hacıyevin sədrliyi ilə keçirilən prosesdə şahidlər dindiriliblər.
İş üzrə şahid qismində ifadə verən Urfan Məcidli, Nizam Vəliyev, Elçin Bədəlov və Rövşən Əkbərov bildiriblər ki, Raziyyat Əliyevanın özünə məxsus olduğu iddia etdiyi avtomobilin texniki pasportunda Razinin deyil, məhz Ziya Hüseynzadənin adının qeyd olunduğunu görüblər.
Şahid Yafət Həsənov isə təkcə avtomobilin evakuatorla götürülməsinin şahidi olduğunu bildirib. Onun sözlərinə görə, Ziya Hüseynzadənin zərərçəkmiş şəxsin anası olan Xadijat Əliyevanı evinə qalxdığını, orada olan qapısını sındırdığını və təhqiramiz ifadələr işlətdiyini görməyib:
"İstintaq dövründə verdiyim ifadə mənə aid deyil, o izahatı təzyiq altında imzalamışam".
Zərərçəkmiş şəxsin anası Xadijat Əliyeva isə şahidin ifadəsinə narazılıq edib.
Şahid isə "Nə qədər ki ruhum üstümdədi, dedikləriniz heç vaxt olmayıb və yalandır!" deyib.
Zərərçəkmiş şəxsin anasının sözlərinə görə, təqsirləndirilən şəxs Ziya Hüseynzadədən heç vaxt pul almayıb. Lakin təqsirləndirilən şəxsin vəkilləri tərəfindən təqdim edilən maddi sübutlar bunun da yalan olduğunu üzə çıxarıb.
Daha sonra məhkəmə iclasında şahid qismində zərərçəkmiş şəxsin yaxın rəfiqələri Kamila Süleymanova və Aytən Muxtarova da ifadə veriblər. Onlar ümumiyyətlə Raziyyat Əliyevanın Ziya Hüseynzadə tərəfindən döyüldüyünü görmədiklərini, ancaq döyülməsi barədə məlumatları Razi Əliyevanın özündən eşitdiklərini bildiriblər.
Təqsirləndirilən şəxs Ziya Hüseynzadə bildirib ki, Razinin ən yaxın rəfiqəsi olan Kamila Süleymanova ilə daha yaxın münasibətləri olub və bir müddət Gürcüstanda onunla birlikdə yaşayıb.
Hakim zərərçəkmiş şəxs Razi Əliyevanın prosesə gəlməməsi ilə bağlı onun anası Xadijat Əliyevaya xəbərdarlıq edib. Bildirib ki, bu hal növbəti dəfə təkrarlansa, zərərçəkmiş barəsində polis nəzarəti altında məcburi gətirilmə barədə qərar qəbul edəcək.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda iri anbar yanır - Hadisə yerindən ƏN SON MƏLUMATLAR - YENİLƏNİR - FOTO - VİDEO
XIX əsrdə yox olan qədim göl, 130 il sonra yenidən ortaya çıxdı
Bakıda yanan anbar məşhur şirkətin imiş
Ən böyük təyyarə "qəbiristanlığı": 4000 min hava gəmisi, 34 milyard dollar...
Bakıda məktəbdə beşinci sinif şagirdi qızı bıçaqladı: Polis hərəkətə keçdi
Xalq artistinin qızı duet ortağı ilə NİŞANLANDI - VİDEO
36 nömrəli məktəbdə imtahan gecikməsi - Valideynlər narazılıq edir
Hərbçilərimiz ermənilərin gedərkən basdırdığı minaya düşüb
Saçlarınız niyə tez yağlanır? - 5 gizli səhv
Hərbçilərimiz Kəlbəcərdə minaya düşdü
20 günün əsgəri vəfat etdi
71 yaşlı əməkdar artist TANINMAZ HALDA - VİDEO
"Yeşilçam"ın "Sezercik"i indi necə görünür? - Son halı insanları təəccübləndirdi
Səhnəyə Azərbaycan bayrağı ilə çıxdı - VİDEO
Əsnəməyin əsl səbəbi bəlli oldu - Qarşısını almaq mümkün deyil