Burada insan skeletləri üst-üstədir - Tədqiq olunmayan QƏTLİAM - VİDEO

Bura Şirvan Milli Parkının Neftçala rayonu ərazisində yerləşən və Dirov dağ kimi tanınan ərazisidir. Palçıq vulkanlarından yaranan bu dağda üst-üstə yığılmış insan skeletləri və kəllələri var. Bu sümüklər ermənilərin Salyanda törətdikləri qətliamın izləridir.

Sonxeber.az xəbər verir ki, "Apa TV"nin əməkdaşları tarixin bu qanlı səhifələrini araşdırmaq üçün sözügedən ərazidə olub. Yerli mütəxəssislərin ilkin ehtimalına görə erməni cəlladları törətdikləri cinayətin izlərini itirmək üçün qətlə yetirdikləri insanları burada basdırıblar:

"20 illik əmək fəaliyyətimdə burada tez-tez reydlərdə oluruq. Hər dəfə reydlər zamanı burada yeni insan sümükləri yağışın torpağı yuması nəticəsində üzə çıxırlar. Bir neçə ildən sonra onlar küləyin, yağışın, günəşin təsirindən aşınır və məhv olurlar. Onların burada hansı səbəbdən olması ilə bağlı deyilənə görə, 18-ci ilin yayındaki ermənilərin törətdikləri soyqırımının nəticələridir. Qətliamdan qaçaraq buraya sığınanlar arasında kənd sakinləri var. Ehtimal olunur ki, onlar geri qayıdan vaxtı ermənilər aşkarlayıb və məhv ediblər".

Yerli tarixçilərin sözlərinə görə, Salyanda baş verən qırğınlar zamanı insanların bir hissəsi məhz Dirov dağa sığınıb. Əhalinin yerini müəyyən edən ermənilər isə heç kimə aman verməyiblər.

Ətraflı Apa TV-nin süjetində:

Telegramda izləyin

instagramda izləyin