Uğursuz əməliyyatdan sonra pulu tələb etmək olar? - VİDEO

Anadangəlmə yaxud sonradan əmələ gələn estetik qüsuru aradan qaldırmaq üçün insanlar çox vaxt özlərini həkim bıçağının altına atırlar. Lakin bəzi hallarda bu əməliyyatlar təhlükəli hadisə ilə tamamlanır. Cərrahların uğursuz əməliyyatı nəticəsində pasiyentə vəd olunan görkəmdən əsər-əlamət olmur. Plastik əməliyyat keçirmiş şəxslər əməliyyatın nəticəsindən narazı qalırlar.

Sonxeber.az xəbər verir ki, uğursuz əməliyyatın qurbanı olmuş vətəndaşlarından birindən "Apa TV"nin əməkdaşları müsahibə alıb. Adının açıqlanmasını istəməyən şikayətçi 6 il əvvəl başına gətirilənlərdən danışdı:

"2018-ci ildə burun əməliyyatı keçirmişəm. Əvvəlcə burnum çox şişkin oldu. Düşündüm ki, bu normal haldır. Yəni əməliyyatdan sonra müəyyən qədər şişkinlik olmalıdır. Amma müəyyən müddət keçdikdən sonra anladım ki, bu uğursuz bir əməliyyatdır. Burdan səslənərək demək istəyirəm ki, reklamlara aldanmayın. Hər şey orada görüldüyü kimi olmur".

Psixoloqların fikrincə uğursuz əməliyyatlardan sonra, pasiyentlər özlərinə qəsd həddinə belə çata bilirlər. Buna görə də əməliyyatdan öncə bəzi məqamlara diqqət yetirmək lazımdır:

"Ümid olur ki, artıq əməliyyatdan sonra gözəl nəticələr olacaq və bu kompleksdən xilas olacaqlar. Bu uğursuz əməliyyatın onların ümidlərini, umduqları bir şansdır. Bu şansı itirmələri onlarda böyük bir travma əmələ gətirir".

Reklam olunan, vəd olunan nəticələr əldə olunmayanda pasiyentin pulu qaytarılır?

"Uğursuz əməliyyat zamanı şəxsin bədəninə xəsarət varsa, burada cinayət məsuliyyəti yarana bilər. Amma xəsarət yoxdursa, yalnız əməliyyatın nəticəsi arzuolunan səviyyədə deyilsə, pasiyent həkimdən təkrar əməliyyat etməsini arzu edə bilər. Eyni zamanda pasient həkimdən yaxud xəstəxanadan maddi və mənəvi zərərin qarşılığını almağa görə məhkəməyə müraciət edə bilər".

Ətraflı "Apa TV"nin süjetində:

Telegramda izləyin