Üzərinə həbs qoyulmuş əmlakların satışı ilə bağlı qaydalar DƏYİŞİR - VİDEO

Üzərinə həbs qoyulmuş əmlakın sahibini icazəsi olmadan satışı mümkün olmayacaq. Bu Milli Məclisdə müzakirəyə çıxarılan Cinayət Prosessual Məcəlləyə təklif olunan dəyişiklikdə əksini tapıb.

Sonxeber.az xəbər verir ki, millət vəkili Vüqar Bayramov "Xəzər Xəbər"ə açıqlama verib. Onun sözlərinə görə, əvvəlki dövrdə əmlakın üzərinə həbs qoyulduqdan sonra, onun satılması üçün müvafiq vasitələrə əl atılırdı. Vətəndaşın xəbəri olmadan əmlak dəyərindən dəfələrlə ucuz qiymətə satışa çıxarılırdı:

"Nəzərə alsaq ki, bir sıra banklar əmlakın uzunmüddətli saxlanmasına maraqlı olmadığına görə, daha ucuz qiymətə satışa çıxarırdılar. Deyək ki, vətəndaşımızın 75 min manat borcu var. Amma onun girov kimi təqdim etdiyi, qiyməti isə 150 min manat olan əmlakı var. Belə olan halda bank bu əmlakı daha ucuz qiymətə, 100 min manata satmaqla ona dəymiş olan ziyanı kompensasiya etməyə çalışır. Bu imkan verirdi ki, vətəndaşın əmlakı daha ucuz qiymətə satılır. Bu da əmlak sahiblərinin hüquqlarının qorunması və ziyanın dəyməsi baxımından arzuolunan deyil".

Millət vəkili bildirib ki, yeni qaydalar qüvvəyə mindikdən sonra, belə halların qarşısı alınacaq.

Ətraflı "Xəzər Xəbər"in süjetində:

Telegramda izləyin