Birbaşa cəbhə xəttindən son xəbər! Vəziyyət ordumuzun nəzarəti altındadır

Ermənistan Silahlı Qüvvələri cəbhədə atəşkəs rejimini kodub şəkildə pozaraq, növbəti iyrənc təxribata əl atmaqdan çəkinmir. İşğalçı tərəfin ordusu bu dəfə Ağdam rayonunun Əhmədağalı kəndini atəş tutub.

Erməni hərbçilərinin sözügedən yaşayış məntəqəsini yandırıcı güllələrlə atəşə tutması nəticəsində kənd sakini Əliyeva Ceyran Yediyar qızına məxsus iki mərtəbəli evdə yanğın olub. Nəticədə ev tamamilə yanaraq yararsız hala düşüb.

Hadisə dünən axşam, təxminən saat 21:00 radələrində baş verib. Eyni saatda düşmən cəbhədə tam gərginlik yaratmaq məqsədi ilə daha bir yaşayış məntəsini atəşə tutub. Düşmən silahlılarının növbəti hədəfi Tərtərin Qapanlı kəndi olub. Qəhraman Qapanlı sakinləri gecənin həyacanını yaşasalarda düşmən təxribatına uymayıblar. Xoşbəxtlikdən itki və təlafat olmayıb.

Düşmən təxribatının qarşısı ordumuz tərəfindən alınıb. Qəhrəman əsgərlərimizin ayıq-sayıqlığı Erməni Silahlı Qüvvələrinin təxribat-diversiya qrupunun təmas xəttini yarması cəhdi aşkarlayıb. Təxminən səhərə yaxın tərəflər arasında baş verən döyüşdə qarşı tərəf 3 hərbçisini itirərək, geri çəkilməyə məcbur olub.

Erməni KİV-ləri döyüş zamanı məhv edilən hərbçilərinin adlarını açıqlayıb: Baş-leytenant Məlikset oğlu Şavarş Məlikyan, əsgər Grigor oğlu Edqar Narayan və əsgər Qarik oğlu Erik Abovyan.

Ermənistan Müdafiyə Nazirliyinin mətbuat xidmətinin yaydığı digər məlumatlarda cəbhədə silahların susmadığın, Azərbaycan tərəfinin atəşkəsi ciddi şəkildə pozmasını və hazırki dəqiqələrdə cəbhədə atışmanın davam etdiyini bildirir. Ancaq Cebhe.info əməkdaşının birbaşa cəbhədən verdiyi xəbərə görə, düşmən tərəfin yaydığı məlumat özündə heç bir həqiqəti əks etdirmir və bütün cəbhə xətti boyunca vəziyyət Azərbaycan hərbçilərinin nəzarəti altındadır.

Qarşıdurma zamanı Azərbaycan ordusunun bir əsgəri itkin düşüb. Bu barədə Azərbaycan Respublikasının Müdafiyə Nazirliyinin mətbuat xidməti məlumat yayıb. Məlumatda Silahlı Qüvvələrimizin hərbi qulluqçusu əsgər Qurbanov Çingiz Salman oğlunun itkin düşdüyü və Onun tapılması istiqamətində müvafiq tədbirlər görüldüyü bildirilir.

Mənbə: Cebhe.info

Telegramda izləyin