İnsanlar regionlardan Bakıya əsasən hansı işlər üçün gəlir? - VİDEO

Regionlardan axının baş verməsi hər zaman aktual məsələlərdən biri olaraq qalır. Bununda əsas səbəbi işlə bağlıdır. Yəni əksəriyyət Bakıya işləmək üçün üz tutur. Bəs bunlar hansı peşələrdir və həmin işləri bölgələrdə təşkil etmək mümkündür?

Sonxeber.az xəbər verir ki, məsələ ilə bağlı iqtisadçı Elmir Səfərli "Xəzər Xəbər"ə açıqlama verib. O deyib ki, paytaxtda iş imkanları daha çoxdur. Ona görə də regiondan buraya gələnlər sayı artır:

"Regionlardan Bakıya gələnlərin çoxu gündəlik xidməti işlərdə və ən çoxu muzdlu işlərdə çalışırlar. Burada fəhləlik və eyni zamanda xidmət-məişət obyektlərində çalışırlar".

İqtisadçı bildirib ki, rayonlarda məşğulluğun artırılması ilə paytaxta axının qarşısını nisbətən ala bilər. Bu məsələ isə hökumətin nəzərindədir:

"İş imkanları əvvəlki illərə nisbətən daha çoxdur. Kənd təsərrüfatı regionlarda inkişaf ilə bağlı dövlətin qoyduğu müəyyən güzəştlər və sahibkarların regionlarda təşviqi ilə bağlı kampaniyalar regionda insanların işlə təmin edilməsində imkan yaradır. Bu müəyyən qədər Bakıya axının qarşısını alır. Lakin tam olaraq istənilən səviyyədə deyil. Bunun müsbət nəticəsi yaxın 5 ildən sonra özünü göstərəcək".

Ətraflı "Xəzər Xəbər"in süjetində:

Telegramda izləyin