"Azərbaycanda kağız sənədləri QR kod əvəzləyəcək" - İDDİA - VİDEO

Azərbaycanda kağız sənədləri Qr kod əvəzləyəcək. Bu sözlər teleqramdaki xəbər kanallarının birində paylaşılıb. Qeyd olunub ki, bu ilin sonuna qədər doğum, nikah və ölüm şəhadətnamələri, şəxsiyyət vəsiqələri elektronlaşdırılacaq. Yəni sənədlər olunaraq Qr kod ilə göndərilə biləcək.

Bəs vətəndaşlar üçün hansı daha əlverişlidir? Məsələ ilə bağlı "Apa TV"nin əməkdaşları paytaxt sakinləri arasında sorğu keçirib:

"Bu gün hər şey onlayn həll olunur. Belə olsa daha gözəldi. Çünki çox rahatdır. Rusiya və Türkiyədə hər şey onlayndır. Kağız sənəd itir və köhnəlir".

Elektron hökumət sisteminin müsbət tərəflərindən danışan sosioloq Üzeyir Şəfiyev bildirib ki, Azərbaycanda bu üsula keçmək üçün sürətli addım atmaq çətindir:

"Bu sistem şəffaflığı və çevikliyi təmin edir. Eyni zamanda insanları uzun növbələrdən xilas edir. Bu bir qədər bürokratik əngəlləri aradan götürür. Artıq tədricən insanları bu prosesə öyrətmək lazımdır. Onlar bu prosesə adaptasiya olunmalıdır. İnsanların elektron hökumət şüuru formalaşmalıdır".

Texniki nasazlıqları nəzərə alsaq, sənədlərin onlayn istifadəsi problem yarada bilər.

Ətraflı "Apa TV"nin süjetində:

Telegramda izləyin