Bu bağban meyvələrini HƏRBÇİLƏR İLƏ BÖLÜŞÜR - VİDEO

Yəqinki alça görüb ağzı sulanmayan az adam olar. Ömründə heç olmasa bircə dəfə göycənin dadına baxanlar isə bu meyvəni görmədən dayana bilmirlər.

Dadı və ləzzəti ilə yanaşı, həm də adı ilə məşhurdur Naxçıvan göycəsi. Muxtar Respublikanın bütün bölgələrində yerləşən göycə ilin məhz bu fəslində ən çox tələb olunan meyvədir.

Sonxeber.az xəbər verir ki, 50 ildən çoxdur göycə yetişdirən Yaqub Həsənov "Apa TV"yə danışıb. O deyib ki, göycə ağacı çınqıllı və daşlı torpaqları sevmir. Belə torpaqlarda göycə alçaya calaq edilir:

"Bağa baxsan bağ olar, baxmazsan dağ olar. Hər bir şey baxmaqladır. Məndən böyük qardaşımda mənə öyrədirdi. Mən o həddə gəlib çatmışdım ki, deyirdim dağlarda olan ağaclarada calaq vuracam. Təki çox olsun hər şey".

Bağında 100-dən artıq göycə ağacı olan Yaqub Həsənov məhsul bol olanda meyvəni hərbçilər ilə bölüşür:

"İmkan düşdükcə hərbçiləri çağırıram. Deyirəm gəlib və yığıb aparın. 100 ağacdan çoxu göycədir. Elə bir meyvə yoxdur ki, bağımda olmasın".

Ətraflı "Apa TV"nin süjetində:

Telegramda izləyin