Rayonlarda ev tikdirmək neçəyə başa gəlir? - VİDEO

Son illərdə bölgələrdə fərdi evlərin tikintisinə maraq azalıb. Bunun səbəbi həm də tikinti materiallarının baha olmasıdır. Mütəxəssislərin sözlərinə görə, qiymətlər, rayon ərazisi, torpağın sotu və digər məsələlərdən asılı olaraq dəyişir.

Sonxeber.az xəbər verir ki, aidiyyəti mütəxəsislər məsələ ilə bağlı "Xəbər Ertəsi"nə danışıb. Tovuzdan olan realtorlar deyirlər ki, rayon mərkəzindən kənarda torpağın 1 sotu 2503 manatdan başlayırsa, mərkəzdə isə bu məbləğ 5 min manatdır. Kəndlərdə isə 1 sot torpağı 1000 manata belə tapmaq mümkündür. Həmçinin realtorlar bildirirlər ki, Tovuzda 1 otaqlı ev tikmək torpaq almaqla birlikdə 20 min, iki otaqlı 40 min, 3 otaqlı isə 60 min manata başa gəlir.

Lənkəranda da torpaq alıb ev tikdirmək təxminən 20 min manatdan başlayır:

"Lənkəranın mərkəzi küçələrində torpağın sotu 7-8 min, bəzi yerlərdə isə 10 min manat civarındadır. Lənkəranda dənizkənarı deyilən yerdə isə torpağın sotu 10-20 min manata qədər dəyişir. 1 mərtəbəli 8 daş üzərində tikilən evlər 65-70 min manat arasında başa gəlir. İki mərtəbəli evlərin tikintisi isə elə olur ki, 120 min manata belə başa gəlir".

Ətraflı "Xəbər Ertəsi"nin süjetində:

Telegramda izləyin