"Hard diskləri komitə sədrinin tapşırığı ilə evinin həyətində doğrayıb tulladıq" - Naxçıvanın sabiq maliyyə naziri və gömrükçünün məhkəməsi

"Hard diskləri komitə sədrinin tapşırığı ilə evinin həyətində doğrayıb tulladıq" - Naxçıvanın sabiq maliyyə naziri və gömrükçünün məhkəməsiMayın 23-də Naxçıvan Muxtar Respublikasının keçmiş maliyyə naziri Rafael Əliyev və Dövlət Gömrük Komitəsinin tariflərin tənzimlənməsi və ödənişlər şöbəsinin rəisi vəzifəsində işləmiş Mənsur Əsgərovun cinayət işi üzrə məhkəmə prosesi keçirilib.

Naxçıvan Muxtar Respublikasının Ağır Cinayətlər Məhkəməsində hakim Faiq Heydərovun sədrliyi ilə keçirilən prosesdə zərərçəkən tərəfin nümayəndəsi iştirak etməyib. Zərərçəkən Azərbaycan Respublikası Maliyyə Nazirliyindən məhkəməyə müraciət edərək dəymiş ziyan ödənildikdən sonra prosesdə iştirak edəcəklərini bildiriblər.

Təqsirləndirilən şəxs Rafael Əliyev bildirib ki, vəsaitin müəyyən hissəsi ödənilib və bu proses davam edir.

Daha sonra məhkəmədə şahidlərin ifadəsi dinlənilib. Şahidlər bildiriblər ki, TIR və GRP proqramları çoxdan yaradılıb və bu proqramlar vasitəsilə alınan pullar müvafiq adamlara - komitənin maliyyə şöbəsinə verilirdi. Bu göstərişi onlara komitə sədri Səhhət Həbibbəyli verib. Şahidlər qeyd ediblər ki, onlar proqrama müdaxilə edə bilməyiblər.

İdxal xətti ilə pullar manatla, tranzitlə gələnlərdən isə dollarla alınıb. Eyni zamanda, gömrüklərdə sərnişin xəttindən də pullar yığılıb və günün sonunda yığılan pullar barədə komitəyə məlumat verilirdi. Bu pullara heç kim dəyə bilmirdi. Ay ərzində yığılan pulların miqdarı da müxtəlif olurdu. Bəzi gömrüklərdə xətlərə uyğun olaraq 200-250 min, bəzilərində isə 300-400 min manat pul yığılırdı.

Həmin dövrdə gömrüklərdə şöbə müdirləri, post rəisləri kimi çalışan şəxslər aylıq olaraq 2000-3000 manat paket alıblar.

Şahidlər bildiriblər ki, hard-disklərin (yaddaş cihazlarının) məhv edilməsini onlara komitə sədri Səhhət Həbibbəyli tapşırıb: "Komitə sədri zəng elədi, hard-disklərin məhv edilməsini tapşırdı. Təxminən 20-30 hard-disk var idi. Çilingərlə bir evə getdik, orda onları doğradı və şəhərdən kənarda olan məişət tullantılarının olduğu yerə atdı. Sonradan məlum oldu ki, həmin həyət Səhhət Həbibbəylinin yaşamadığı evinin həyətidir".

Məhkəmədə ifadə verən şahidlər qeyd ediblər ki, gömrüklərdən keçən maşınlar tərəzilərə çıxarılırmış və hər birindən 20 manat alınırmış: "İl ərzində təxminən 1-1,2 milyon manat pul yığılırdı ki, o da komitədə Rafael Əliyev və Mənsur Əsgərova verilirdi".

Daha sonra Naxçıvan Muxtar Respublikası Maliyyə Nazirliyinin Xəzinədarlıq şöbəsinin müdiri Nurlan Hacıyev şahid kimi dindirilib. O, bildirib ki, çalışdığı dövrdə müəyyən edilən fiziki şəxslərin pullar çıxarışla alınırmış:

"Dövlət büdcəsindən həmin şəxslərə köçürülən vəsaitlərin sənədləri çıxarılırdı və onlardan köçürülən vəsaitin 10 faizi alınırdı. Bu tapşırığı maliyyə naziri Rafael Əliyev vermişdi. Gətirib otaqda mənə verirdilər, mən də nazir Rafael Əliyevə verirdim".

Nurlan Hacıyev hər ay 1000-1200 manat paket aldığını da qeyd edib. Şahid ifadəsində vurğulayıb ki, 2021-ci ilin əvvəlindən 2022-ci ilin oktyabr ayınadək təxminən 3-3,5 milyon manatı Rafael Əliyevə xidməti otağında verib.

Təqsirləndirilən R.Əliyev şahidin ifadəsini təsdiqləyib.

Daha sonra prokuror vəsatət qaldıraraq bütün proseslərdə zərərçəkənlərlə üzləşməsi üçün Nurlan Hacıyevin iştirakının təmin olunmasını məhkəmədən xahiş edib.

Məhkəmə prokurorun vəsatətini təmin edib.

Proses iyunun 11-də davam etdiriləcək.

Qeyd edək ki, Rafael Əliyev və Mənsur Əsgərov 2022-ci ilin noyabr ayında Azərbaycan Respublikasının Dövlət Təhlükəsizliyi Xidməti tərəfindən həyata keçirilən araşdırma tədbirləri nəticəsində cinayət məsuliyyətinə cəlb ediliblər./APA


Sonxeber.az Telegramda izləyin instagramda izləyin
  Baxılıb: 532   Tarix: 24 may 2024  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Bakıda 550 küçə dezinfeksiya edilib

Bu gün paytaxtda təmizliklə bağlı daxili iməcilik və geniş dezinfeksiya tədbirləri keçirilib. Bakı Şəhər İcra Hakimiyyətinin Mətbuat Xidmətindən -a verilən məlumata görə, iməcilik zamanı səkilərin kənarlarının, bordyurların və işıq dirəklərinin, yol kənarındakı məhəccərlərin, köşklərin, mağazaların vitrinlərinin

10 aprel 2021
.

UEFA prezidentindən Kristian Eriksenlə bağlı açıqlama

"Mən Kristian Eriksənə tezliklə sağalmasını arzulayıram və dua edirəm ki, onun ailəsində güc və inam olsun". UEFA-nın mətbuat xidmətinin məlumatına görə, bu sözləri qurumun prezidenti Aleksandr Çeferin deyib. "Bu zaman futbol ailəsinin birliyi o qədər böyük idi ki, o və ailəsi hər kəsi

12 iyun 2021
.

Dünyada ən çox yoluxma bu ölkədədir

Dünyada 208 705 980 nəfərdə koronavirus aşkarlanıb. xəbər verir ki, virusdan 4 383 786 xəstə ölüb, 187 101 209 nəfər sağalıb. Virusa yoluxma sayına görə, ilk beşlikdə olan dövlətlər ABŞ (37 736 986 nəfər), Hindistan (32 250 679 nəfər), Braziliya (20 378 986 nəfər), Rusiya (6 621 601 nəfər) və Fransadı

17 avqust 2021
.

Təcili yardım niyə gecikir? - RƏSMİ AÇIQLAMA

Səhiyyə Nazirliyinin baş infeksionisti Təyyar Eyvazov koronavirus xəstələrinin və COVID-19-a şübhəli hansı hallarda poliklinikaya, hansı hallarda isə Təcili Tibbi Yardıma müraciət etməsi barədə məsələyə münasibət bildirib. Onun sözlərinə görə, evdə özünü təcrid, digər qoruyucu tədbirlər, xəstəlik haqqınd

8 dekabr 2020
.

"Təxribatlardan ermənilər və onun havadarları zərər görəcək"

"Azərbaycan regionda elə bir dövlətdir ki, balanslı siyasət yürütməlidir". Bunu "MediaPost"a açıqlamasında politoloq Ramiyə Məmmədova deyib. Onun sözlərinə görə, hazırkı gərgin vəziyyətdə Azərbaycan hər iki dövlətlə - Türkiyə və Rusiya ilə normal münasibətlər saxlayıb düzgün siyasətin

21 avqust 2020
.

Gürcüstanda aksiya zamanı hücuma məruz qalan media nümayəndəsi vəfat edib

İyulun 5-də Gürcüstanda LGBT tərəfdarlarının "Qürur yürüşü" əleyhinə aksiyalar zamanı hücuma məruz qalaraq yaralanmış media işçisi xəstəxanada vəfat edib. Gürcüstanın İctimai telekanalına istinadən xəbər verir ki, "Pirveli TV"nin operatoru Lesko Laşkarava bir neçə gündür müalicə aldığ

11 iyul 2021
.

Səhiyyə Nazirliyi: Azərbaycanda yoluxma azalıb

"Azərbaycanda tətbiq edilən sərt karantin tədbirləri öz müsbət nəticələrini verib. Hazırda ölkədə yoluxma sayların azalması müşahidə olunur. Lakin tətbiq olunan qaydalara əhali tərəfindən riayət olunmazsa, xəstəliyin yenidən artması baş verə bilər. Bununla əlaqədar olaraq xəstəliyin yayılmasını

1 fevral 2021
.

Hamilə qadınlar peyvənd olundu - Təhlükə varmı?

"Pfizer/BioNTech" hamilələr üçün peyvənd sınaqlarına başlayıb. -a istinadən bildirir ki, araşdırma 9 ölkədə 4 min qadın üzərində gerçəkləşdiriləcək. Artıq araşdırma çərçivəsində ABŞ-dakı qadınlara ilk dozalar inyeksiya olunub. Prosedura qatılan qadınlar 18 yaşdan yuxarı və hamiləliklərini

13 mart 2021
.

Autizm xəstəsinin sosial müavinəti niyə kəsilib? - VİDEO

Göyçay sakini autizm xəstəsi olan 14 yaşlı Fəzilli Fəzilin sosial müavinəti kəsilib. Baku TV xəbər verir ki, valideynləri onun bu xəstəliyini üç yaşında olarkən hiss ediblər. Onlar xəstəliyin qısa zamanda müalicəsiz keçəcəyini düşünərək səkkiz yaşına qədər uşağı qarşı müayinə və müalicə aparmayıblar

16 mart 2021