"İnternet əzizi", "Allahın fenomeni" - 15 yaşında ölən gənc "əziz" OLACAQ

Roma Papası "İnternet müqəddəsi" və "Allahın fenomeni" kimi tanınan italyan gənc Karlo Akutisin əziz olmasını təsdiqləyib.

Sonxeber.az xarici mənbəyə istinadən xəbər verir ki, Roma Katolik Kilsəsi əziz elanı üçün 2 möcüzənin gerçəklədirilməsini tələb edir. 15 yaşında dünyasını dəyişən Karlo Akutis internet bacarığından katolik inancını yaymaq üçün istifadə edib.

Akutisin bu iki möcüzəni 2006-cı ildə leykozdan öldükdən sonra iki xəstəni sağaltdığı səbəbiylə etdiyinə qərar verilib. Bu "möcüzələrdən" birincisi 2013-cü ilə təsadüf edir.

Braziliyada anadangəlmə ağır mədəaltı vəzi xəstəliyi olan bir uşağın kilsə mərasimi zamanı Akutisə məxsus paltara toxunaraq sonradan sağalıb. Kilsə bu hadisəni 2020-ci ildə möcüzə kimi qəbul etdi.

Papa Fransiskin dünən təsdiqlədiyi ikinci möcüzə belədir:
Vatikana görə, Akutis 2022-ci ildə İtaliyada velosipedi ilə qəza nəticəsində ağır kəllə-beyin travması alan Kosta-Rikalı universitet tələbəsinin sağalmasına kömək edib. İkinci möcüzə Vatikan tərəfindən təsdiqləndikdən sonra Karlo Akutisin rəsmi olaraq əziz olması mərasiminin keçiriləcəyi gözlənilir.

Telegramda izləyin