The Lancet: 2050-ci ilə qədər qlobal ömür uzunluğu təxminən beş il artacaq

Ümumdünya Səhiyyə Təşkilatının (ÜST) dəstəyi ilə beynəlxalq elmi qrup tərəfindən aparılan Qlobal Xəstəlik Yükü (GBD) araşdırmasına görə, 2050-ci ilə qədər qlobal ömür uzunluğu kişilər üçün 4,9 il, qadınlar üçün isə 4,2 il artacaq.

"Report" xəbər verir ki, araşdırmanın nəticələri "The Lancet"də dərc olunub.

Qlobal ömür uzunluğunun 73,6 ildən (2022-ci ildə) 78,1 yaşa (2050-ci ildə) artacağı proqnozlaşdırılır. Eyni zamanda, kişilər 4,9 il, qadınlar isə 4,2 il daha çox yaşayacaqlar. Ən böyük artımların daha aşağı ömür uzunluğu olan ölkələrdə baş verəcəyi gözlənilir ki, bu da coğrafi bölgələr arasında göstəricilər üzrə yaxınlaşmaya yol açacaq.

Tədqiqatçıların fikrincə, bu müsbət tendensiya daha çox ürək-damar və döl xəstəliklərinin, COVID-19, habelə ana və yeni doğulmuş körpələrin pis qidalanması ilə əlaqəli yoluxucu xəstəliklərin sağalma nisbətlərini yaxşılaşdıran ictimai səhiyyə müdaxilələri ilə bağlıdır.

Həmçinin qeyd edilib ki, xəstəliyin qlobal yükü ürək-damar xəstəlikləri, xərçəng, xroniki obstruktiv ağciyər xəstəliyi, piylənmə, hipertoniya və diabetə doğru dəyişəcək. Alimlərin qənaətinə görə, onların inkişafı üçün ən əhəmiyyətli risk faktorları pis qidalanma və zərərli vərdişlərdir.

Telegramda izləyin