Neft quyularının üzərində tikilən evlər söküləcək? - VİDEO

Bu ərazi neft quyularının çox olduğu bir ərazidir. Burada bir neçə neft quyusunun istismar müddəti dayandırılıb. O da məlumdur ki, belə ərazilərin yaxınlığında yaşayış evləri olmamalıdır. Əfsuslar olsun ki, nəinki yaxınlığında, neft quyularının yarım metr məsafəsində fərdi yaşayış evləri tikilib. Vətəndaşlar isə baş verə biləcək təhlükədən bəlkə də bixəbərdirlər. Təkcə ərazidən gələn neft qoxusu belə sağlamlıq üçün ziyandır. Nəzərə alaq ki, ölkəmiz seysmik zonada yerləşir. Bu zaman istismar müddəti başa vuran neft quyularında sızmaların olması qaçınılmazdır. Bəs qadağan olunmuş ərazilərdə vətəndaşlara torpağı kim satır?

Sonxeber.az xəbər verir ki, "Apa TV" məsələ ilə bağlı sakinlər arasında sorğu keçirib:

" Burada siqaret çəkirlər və yanmağa başlayır. Axırda buranı torpaqlar ilə doldurdular. Hətta texniki avadanlıqlar məftilə deyərək alışma baş verib. Uşaqlar üçün oynamağa yer belə yoxdur. Alanda neft ərazilərinə yaxın olduğunu bilirdik. Buranı imkansızlıqdan aldıq".

Ən təhlükəli vəziyyətlərdən biri Sabunçu rayonu, Elşən Mehdiyev küçəsində müşahidə olunur. Burada evlər neft kəmərlərinin bir addımlığında inşa edilib.

Ətraflı "Apa TV"nin süjetində:

Telegramda izləyin